International Island Games-imi Kalaallit Nunaat peqataalluarpoq

Nutartigaq...

Maanna Sara Jacobsen aamma Toke Driefter pissartanngorniunnissaminni unammisimalereerput, arnani ataasiakkaarluni aammalu angutini ataasiakkaarluni finalit ingerlanneqareerput.

Taakku tamarmik unammisatik ajorsarfigivaat, taamaalillutillu sølvinnallutik.

Ataani takuneqarsinnaavoq Kalaallit Nunaat ataatsimut isigalugu qanoq angusaqarsimanersoq:

International Island Games-ip ingerlanneqarnerani ullumikkut ulloq kingullerpaajuvoq, tamatumuuna timersortartut Kalaallit Nunaat sinnerlugu 28-it peqataasimapput timersuutini sisamani, tassasuni atletik, sulorarneq, golf aamma nalunneq.

Sulorartartut ujaminnannissamik isumaginnittuupput

Ullumikkut aamma Kalaallit Nunaat ajugaaniutivinnerni peqataassaaq. Sara Jacobsenip Miriam í Grótinum Savalimmiuneersoq Arnat Ataasiakkaarneranni naapissavaa, angutinilu Toke Driefterip Rúni Øster aamma Savalimmiuneersoq naapissavaa.

Tamannali sioqqullugu Kalaallit Nunaat aamma Team Event-imi kuultinnappoq, juulip 14-iani Kalaallit Nunaat Savalimmiunut ajugaammat. 

Tamatuma saniatigut Kalaallit Nunaat marlunnik bronzennannikuuvoq, aamma sulorarnermi. 

Toke Driefter Maluk Christoffersenilu pingasunngornermi angutit marlukkaarlutik inissinniunneranni bronzennapput. Maluk Christoffersen aamma Tina Rafaelsenimik mixed double-mi unammipput bronzennallutillu sisamanngornermi.

Taamaattumik Sara aamma Toke unammisaminnik ajugaappata finalimi, Kalaallit Nunaat marlunnik kuultinnassaaq marlunnillu bronzennassalluni.

Pissartanngorniunnerit inerneri Kalaallit Nunaanni Timersoqatigiit Kattuffiata Facebookiani qularnanngitsumik ikkunneqarumaarput unamminerit naammassippata.

Naluttartut, golfertartut aammalu atletikkertartut aamma ajunngitsumik ingerlapput

Timersuutigalugu nalunnguarneq, golf aammalu atletik piffissami matumani Kalaallit Nunaanni timersuutit annerpaat akornanniinngikkaluartut, taamaattoq unammisartortagut taakkunani aamma ajunngitsumik takutitsipput International Island Games 2025 ingerlanneqarnerani.

Taamaattumik piginnaasatik misilittareerlugit  immaqa piareersarlutik aallartereerput tulliani International Island Games, 2027-imi ingerlanneqartussamut pissassarlutik, taamanikkussamut Savalimmiuni Qeqertarmiut Unammiuaarneri ingerlanneqartussaapput ulluni 3.-9. juli 2027.