Morten Rutkjær, Kalaallit
Nunaanni angutit isikkamik arsaattartut nunanut allanut unammisartuisa
sungiusaasuat, Østrigimi nunani tamalaani unammiuaarnermit pissanganartunit
angerlaqqammerpoq, tassani nuanut allanut unammisartut Amateur National Teams
Nations Cup 2025-mi oktobarip tallimaannit arfineq pingajuannut peqataapput.
Kalaallit unammisartut
Østrigimi Sloveniamilu nunanut allanut unammisartunut pikkorinnerit
tulliinut unammilluangaatsiarput,
unamminerallu ataqqinnilersitsivoq.
Morten Rutkjær, Kalaallit
Nunaanni angutit isikkamik arsaattartut nunanut allanut unammisartuisa
sungiusaasuat, Østrigimi nunani tamalaani unammiuaarnermit pissanganartunit
angerlaqqammerpoq, tassani nuanut allanut unammisartut Amateur National Teams
Nations Cup 2025-mi oktobarip tallimaannit arfineq pingajuannut peqataapput.
Kalaallit unammisartut
Østrigimi Sloveniamilu nunanut allanut unammisartunut pikkorinnerit
tulliinut unammilluangaatsiarput,
unamminerallu ataqqinnilersitsivoq.
- Unammisartugut unammillerneqarluartariaqarput. Nunatsinni pikkorinnerpaajuneq
sungiusimavaat, iligiittulli ineriartorumagutta nukittunerusunik
unammisaqartariaqarpugut – taamatullu unammineqarpugut, Morten Rutkjær AG-mut
oqarpoq.
Kalaallit Nunaat unammiuaarnermi siullermi Østrigimut 5-1-imik ajorsarpoq,
nunanulli allanut unammisartut sungiusaasuat naapertorlugu angusat
taamaaginnanngillat.
- Unammisut
nersualaarpakka. Unammisartut unammilluarput. Østrigimiut ukioq naallugu
unammisartut uagut qaammatit pingasut sisamalluunniit missaannaanni
unammisarluta eqqaamasariaqarparput. Taamaakkaluartoq unammilluarpugut, Morten
Rutkjær oqarpoq.
Sloveniamut
unamminermi tupaallannartumik angusaqangajattoq
Unammiuaarnermi Sloveniamut unammineq
kingulleq pissanganartorujussuuvoq. Minutsini aalajangiisuni 4-4-mik
inissisimallutik Kalaallit Nunaat ajugaanissamut arlaleriarluni
periarfissaqaraluarpoq – Slovenili piffissap sivitsorneqarnerani isertitsigami
5-4-mik ajugaavoq.
– Unammineq
ajugaaffigisinnaagaluarparput, tamannalu imminermini nuannerluinnarpoq.
Unammersuarpugut, unamminerillu taamaattut ilinniarfiginerpaasarpagut.
Iligiittut suli ineriartorpugut, tamatumalu eqqortumik ingerlasugut takutippaa,
nunanut allanut unammisartunut sungiusaasoq oqarpoq.
Ilaqutariissuseq
siunissamilu anguniagaqarneq
Sungiusaasup tulluusimaarluni unammisartuni ersaattaappai.
Assi: Greenland National Football Team - Facebookside
Unammiuaarnernut peqataaneq
suliniummut annerusumut ilaavoq: Kalaallit arsaannerisa nunarsuarmi tamarmi
qaffasissutsimut angummannissaa.
- Kalaallit Nunaat arsaannermi inissisimaffiit appasinnerpaartaanniippoq.
Sungiusartarpugulli VM-imullu anngunniunnermi peqataasinnaalissalluta
neriuutigaarput, Morten Rutkjær oqarpoq.
Unammisartut marloriarlutik
ajorsaraluarlutik nersualaarneqarlutillu misilittagaqarluaramik
tulluusimaarlutik angerlarput.
- Unammisartut iligiit nukittunerungaartut ajugaaffigisinnaallugit
takutissimavaat. Tamanna siunissamut isumalluarnarpoq, Morten
aalajangersimalluni oqarpoq.
Unammineq kingulleq
naammassimmat ukioq manna arsaannermi unammiuaarnerit aamma naammassipput.
Nunanut allanut unammisartunut sungiusaasumut, ulluni pissanganartuni
unammisartoqatigisani peqatigalugit – arsaattarfimmi arsaaffiullu avataani –
sulereersumut, tamanna misigissutsikkut killitsinnarpoq.
- Timersoqatigiittoqarunnaarmat ajuusaarutigaara, tassami unammisartut aatsaat
upernaaru takoqqikkumaarpakka. Arsaattartuuinnanngillat. Ilaqutaapput, Morten
Rutkjær qungujulluni oqarpoq.
Naak siggartoqareeraluartoq
nassatallu poortorneqareersimagaluartut una qularutissaanngilaq: Kalaallit Nunaat
siuariartorpoq — allornerit unamminerillu ataasiakkaarlugit.
