Kunuunnguaq Davidsen qaannamik unammersuarnermi naakkiarneqqortusaannermi ajugaavoq
Qaannamik arfininngornermi unammersuarnermi naakkiarneqqortusaanneq toraajuneqqortusaannerillu pipput. Unammisuni Kunuunnguaq Davidsen Sisimiuneersoq naakkiarneqqortusaannermi ajugaangaatsiarpoq.
Foto: Poul Hard
Arfininngornermi unammersuarnermi qaannamik unammisut naakkiarneqqortusaallutillu toraajuneqqortusaapput.
Kunuunnguaq Sisimiuneersoq ajugaavoq
Kunuunnguaq Davidsen Sisimiuneersoq naakkiarneqqortusaannermi ajugaavoq, taassumami katillugit 42 meterit angummagit.
Arnani unammisuni 20-niit 34-inik ukiulinni Aka Nielsen qaqortumeersoq naakkiarneqqortuneqqusaannermi 33 meterit angugamigit arnani ajugaavoq.
Angutinilu 35-iniit 49-nik ukiulinni Vilhelm Egede Nuummeersoq naakkiarneqqortusaannermi 20 meterit angugamigit ajugaavoq.
Toraajuneqqortusaannerit
Marcus Sigurdsson nuummeersoq nukappiaqqani quliniit aqqanilinnik ukiulinni toraajuneqqortusaannerni ajugaavoq.
Dorthie M. Frederiksen Qaqortumeersoq niviarsiaqqani 13-niit 14-nut ukiulinni toraajuneqqortusaannermi ajugaavoq, nukarlernilu Astrid Broberg Ilulissaneersoq ajugaalluni.
Sapaammi naatsumut parrunneq unammissutigineqassaaq.
