Mountainbikerluni maratoneqataasoq

Konrad Nuka Godtfredsen Qassiarsummi sapaatip akunnerata naanerani ukioq manna Leif Iluanaarajuup Maratonimi peqataasuni kisimi mountainbikertuuvoq.

Leif Iluanaarajuup Maratoniani peqataasut atuarfiup eqqaaniit arfininngornermi ullaakkut qulinut aallarput.

Foto: Privat

Jette Andersen Aaqqissuisoq

Saqqummersinneqarpoq 23. Aggusti 2025 - 14:57

Annonse

- Leif Iluanaarajuup Maratoniani peqataaneq aaqqissuussani assingusuni peqataanerminngarnit immikkuullarinneroqaaq. Kiserrammimi pinngortitamiinneq misigineqarsinnaavoq. Pinngortitaq qanoq piginnaaneqartigisoq qanorlu mikitiginerluni alianaalluinnartumi, kusanarluinnartumi peqqarniissinnaaqisumilu pinngortitamiinnermi malugineqarsinnaavoq.

- Misigisaq imminut unammillernarsiffiuvoq. Minnerunngitsumillu qaqqat akornanni nipaalluinnartumiinneq aamma misigineqarsinnaalluni, Konrad Nuka Godtfredsen AG-mut oqarpoq.

Ukioq manna peqataanermini angusarissaaqaluni nammineq isumaqarpoq.

- Seqinnarissumi mountainbikerpunga, Kujataanilu aqqutini isorartuuni ujaraarartalitsigoornerup nuannersortaa misigalugu. Ingerlarsorfigisara mountainbikertartunut aqqutissaqqilluinnarlunilu imaannaanngeqaaq, taanna oqarpoq.

Maratoneqataasut 66-iusut immikkoortunut arfiniliusunut agguataarlutik peqataapput.