NuukKap 2024 aallartippoq
Arpattartut arpaatilisartut sisamanngornerup ullaavani Katuap silataani takussaapput. Kapisilinnummi arpanneq arpattunit 122-inik peqataaffigineqartoq aallartippoq.
Assi siornarnisaq.
LARS JORGEN
NuukKap Nuummiit Kapisilinnut katillugit 110 kilometerisut isorartutigivoq, arpattunillu 122-init ulluni pingasunit arpaffigineqassalluni.
Peqataasunit 122-init qulingiluat toqqaannarlugu arpassapput, taakku tallimanngornerup unnuaani nalunaaqutaq pingasunut arpallutik aallartissapput.
Peqataasuni ilaatigut ilaapput Uiloq Mathæussen, Nivi H. Geisler aamma Pilo Chemnitz, arpattartutut ilisimaneqarluartut.
Peqataasuni 122-usuni aamma 14-it 45 kilometerisut isorartutigisoq pisussavaat, taakku Qooqquniit Kapisilinnut arfininngornermi ullaakkut pisussallutik.
NuukKap-imi aaqqissuussisut ilaat, Jens Kristian Berthelsen Sermitsiamut oqaluttuarpoq arpanneq aallartilluartoq, arpattut silagissumi nuannaangaarlutik aallartut.
NuukKap Extreme Running Race nunatsinni pinngortitami arpanneruvoq, tassani nuna allanngorarfiusoq arpaffigineqartarluni, soorlu nunakkoorneq, ujaqqakkut, kuuit ikaarlugit, sermikkoorneq tuttullu aqqutaartigoorneq.
