Nuummiut tilluuttartut marluk King of the Ringimi ujaminnattut
Tilluuttartut Nuummeersut sapaatip-akunnerata naanerani Sverigemi nunanit tamalaanit peqataaffigineqartumi unammiuaarnermi annertuumi peqataapput.
Sapaatip-akunneri arlallit sungiusareernerup piareersareernerullu kingorna Nuummi Fight Club Nanormiit tilluuttartut arfinillit sapaatip-akunnerata naanerani nunanit tamalaanit peqataaffigineqartumik Sverigemi unammiuaarnermut King of the Ringimut peqataapput.
Tilluuttartut sungiusaasuat Mahmoud Minaei Sermitsiamut oqaluttuarpoq unammiuaarnerit unamminernik pitsaasorpassuarnik aammali timersortartunut misigisanik pissanganartunik nassataqarsimasut.
Timersortartut aamma angusarissaarput, unammiuaarnermi 700-nit amerlanerusunit nunanit assigiinngitsorpassuarneersunit peqataaffigineqartumi tilluuttartut marluk sølvinnammata kuultinnammatalu.
Emil Faber unamminermi pissanganartumi tulummut tilluunnermi ajugaaniutivinnermi naligiilluinnartumi sølvinnappoq.
Ivalu Hansen tilluunnermi Tysklandimiumut unamminermi ajugaanermi kingorna kuultinnappoq.
- Unammiuaarnermi peqataaneq misigisaq annertoqaaq, tassanilu tilluuttartut inuppassuit nunanit allaneersut naapippaat. Ilungersorneq tulluusimaarutigaara, Mahmoud Minaei unammiuaarnerit pillugit oqarpoq.
Fight Club Nanoq aappaagu unammiuaarnissami peqataanissamut qaaqquneqareerpoq.
