Qaannamik unammersuarneq ingerlalluarpoq sikorsuit ataasiakkaat akornusiilaartaraluartut

Qajartortartut 130-it sinnerlugit peqataapput ukioq manna Qaannamik unammersuarnermi. Amerlanerit nunap immikkoortuini assigiinngitsuniit aggertuupput ataaserlu nunanit allaneersuulluni.

Ukiut arlalissuit matuma siorna Qaannat Kattuffiat ammaanikuuvoq nunanit allaneersunik peqataanissamut periarfissiilluni.

Qajaq Qaqortumi siulittaasoq, Abel Jakobsen, immikkoortortaqarfik sinnerlugu oqaluttuarpoq ukioq manna qaannamik unammersuarneq ataatsimut isigalugu pitsaasumik ingerlanneqartoq:

- Peqataasut tamarmik  ajunngillat kingulliillu Ilulissaneersut ippassaq tikipput, taamaalillutillu unammiuaarnerit sinnerini peqataasinnaalerlutik. Taamaattumik naammagisimaarpara ukioq manna Qaannamik Unammersuarnerup  ingerlanneqarnera, Jakobsen oqarpoq.

Ulloq qasuersaarfiusoq unammiffinngortinneqarpoq

Unammersuarnerulli pilersaarusiorneqarnera unammineruttornermi allanngortinneqartariaqarsimavoq, tamassumunnga pissutaavoq unammeqataasussat ataasiakkaannguit Qaqortumut anngunniareerlutik ippasaaq marlunngornermi tikissimasut peqataasinnaanissaat qulakkeerusunneqarsimammat aamma naggataarnersiornermut atatillugu pilersaarutit malinneqarsinnaaniassammata.

- Misilittagaqarpugut naatsumik parrunnerit sivitsortoorsinnaasartut, tamannalu pigaangat aaqqissuussat tullinnguuttut kinguaattuulersoorsinnaasartut, tallimanngorpallu naggataarnersiorneq tusarnaartitsinertalik ingerlanneqartussaammat kinguaattoornertaqannginnissaa isumannaarniarsimavarput, Abel Jakobsen oqaluttuarpoq.

Peqataasunut sakkortuvoq - kisianni naammassissavarput

Qaannat Kattuffianni siulittaasoq, Johanne B. Tobiassen, aamma nammineq unamminerni peqataasoq, oqaluttuarpoq unamminerit peqataasut nukippassuarnik atuisartut, taamaattumillu qaannamik unammersuarnerni ullormik ataatsimik qasuersaarfeqartarnissaq pingaaruteqartoq:

- Kissaatiginerpaasarparput aaqqissuussineq oqimaaqatigiissumik unammersualeruttorfiullu nalaani allannguinertaqanngitsumillu ingerlanneqartassasoq, peqataasut unamminerminni nukippassuarnik atuisarmata. Kisianni ataqatigiissaarineq qissimittariaqarsimavarput aammalu unammersuarnerup sinnerani pilersaarummik allannguineq ingerlanneqartariaqalersimavoq tikittut kingulliit eqqarsaatigalugit, taakku ippassaq marlunngornermi aatsaat Qaqortumut anngummata, kisianni naammassissavarput, Johanne B. Tobiassen Qaannat Kattuffianni siulittaasoq oqaluttuarpoq.

Johanne B. Tobiassen kingumut kajumissaarivoq innuttaasunut unammersuarfimmiittunut kajumissutsiminnik suleqataasarneq annertusaqqullugu:

- Aalajaallutik kajumissutsiminnik suleqataasartoqarpugut, taakku piffissarujussuaq atortarpaat ullut tamaasa, utoqqaat taakkununnga ilaasarput. Neriuutigaara siunissami amerlanerit kajumissutsiminnik ikiuuttalerumaartut, taamaalilluta inuit ikittuinnannguit isumalluutigiunnaarlugit naammattunik amerlassusilinnik ikiuuttoqalersinnaassasugut.

Taamaalilluni taassuma iput Sisimiunut saatippaa, tassami aappaagu Qaannamik Unammersuarneq 2025 Sisimiuni ingerlanneqartussaammat.

Maannamut unamminermit inernerit uaniipput:

Niviarsiaqqat  4-6-nik ukiullit

1. Aiyana Jørgensen Nuuk
2. Leah F. Broberg Nuuk
3. Birthe Geisler Qaqortoq

Niviarsiaqqat  7-9-nik ukiullit

1. Uka-Maja Tittussen Qaqortoq
2. Maaliannguaq D. Jensen Ilulissat
3. Ivalu D. Larsen Qaqortoq

Nukappiaqqat  4-6 ukioq

1. Robin Klamer Nuuk
2. Heinrich K. Tittussen Qaqortoq
3. Maligiaq D. Jensen Ilulissat

Nukappiaqqat  7-9 ukioq

1. Nelas Enoksen Nuuk
2. Danny Klamer Nuuk
3. Akutaq Broberg Nuuk

Niviarsiaqqat  10-12 ukioq

1. Astrid Broberg Ilulissat
2. Paninnguaq Larsen Tiniteqilaaq
3. Kakillarnaq Jakobsen Qaqortoq

Nukappiaqqat  10-12 ukiulik

1. Simujoq Boassen Tiniteqilaaq
2. Malik Kleist Nuuk
3. Milo J. Frederiksen Nuuk

Niviarsiaqqat  13-14 ukiulik

1. Nivi D. Larsen Qaqortoq
2. Dorthie M. Frederiksen Qaqortoq
3. Nadia Enoksen Nuuk

Nukappiaqqat  13-14 ukiulik

1. Ingi Sigurdsson Nuuk
2. Angutimmarik Reimer Ilulissat
3. Mikael Bianco Tiniteqilaaq

Inuusuttuaqqat angutit  15-17-nik ukiullit

1. Nikolaj Jakobsen Qaqortoq
2. Kasper Hezikiassen Qaqortoq
3. Søren Biilmann Ilulissat

Inuusuttut angutit 18-19-nik ukiullit

1. Kuluk Jensen Poulsen Nuuk
2. Karljohan Thomsen Ilulissat

Ungaaq Jakobsen Qaqortoq (Anivoq)

Arnat inuusuttuaqqat 15-17-nik ukiullit

1. Katja Thomsen Ilulissat
2. Pakkutaq Egede Nuuk
3. Niviaq Abelsen Qaqortoq

Arnat inuusuttut 18-19-nik ukiullit

1. Vivi Kleist Qaqortoq

Arnat utoqqasaat nukarliit 35-49-nik ukiullit

1. Angerlaq A. Olsen Nuuk
2. Paninnguaq Olsvig Nuuk
3. Sofie Rosa Jakobsen Qaqortoq

Arnat utoqqasaat angajulliit 50 +

1. Johanne B. Tobiassen Nuuk

Idun Nielsen Qaqortoq (Unippoq)

Angutit utoqqasaat angajulliit  60+

1. Steen Nielsen Qaqortoq
2. Hanseeraq Kleemann Nuuk
3. Peter Olsen Ilulissat

Angutit utoqqasaat nukarliit 35-49 ukiut

1. Jacob-Peter Enoksen Sisimiut
2. Pavia Tobiassen Nuuk
3. Vilhelm Egede Nuuk

Angutit utoqqasaat angajulliit  50-59 ukiut

1. Max Audibert Tiniteqilaaq

Hendrik Joelsen Nuuk (Unippoq)

Arnat inersimasut  20-34 akornanni ukiullit

1. Ida Nielsen Nuuk 1982
2. Sikkerninnguaq Cortsen Ilulissat
3. Aminguak Mathæussen Nuuk

Angutit inersimasut 20-34 akornanni ukiullit

1. Jens Christian Davidsen Sisimiut
2. Ujarneq Tobiassen Nuuk 2004
3. Kunuunnguaq Davidsen Sisimiut