QAJAQ-MI GM
Qajaq Qaqortoq-mi siulittaasoq: Sisimiormiut immikkut maluginiagassaapput
Qajartorluni unammersuarneq naammassivoq, tassani peqataasut 130-it missaanniittut peqataallutik. Unammisitsinerit iluatsitsiffiupput, Abel Jakobsen, ukioq manna GM-imi aaqqissuisut, Qajaq Qaqortoq-mi siulittaasoq oqaluttuarpoq. Aammattaaq Sisimiuneersut peqataasut immikkut maluginiagassaasut, taanna oqaluttuarpoq.
Jens Christian Davidsen Sisimiuneersoq Ujarneq Tobiassen Nuummeersoq stafetimut unammipput.
Assiliisoq: Poul Hard
Nakerneqqusaanneq, unaariaqattaarneq, kisimiilluni kinngusaqattaarneq, kinngusaqattaarnermi takutitsinerit unamminerillu allarpassuit qaannamik unammersuarnermi unammissutigineqarput.
Pilersaarutit maanna naammassineqarput.
- GM ingerlalluarpoq, naak ullualuit kinguaattoorsimagaluarluta.
Abel Jakobsen, Qajaq Qaqortumi siulittaasoq, oqaluttuarpoq Sisimiormiut peqataasut pissartanngorniunnerni tamani maluginiarnartuusut.
- Takisuumut unamminermi Jens Christian Davidsen ajugaariasaarpoq.
Angusat app-imi “Sportity”-mi takuneqarsinnaapput, kode QU1985 atorlugu.
Qaannamik pissartanngorniunneq naggaserlugu tusarnartitsisoqarmat Tomba Jam aamma Ulf Fleischer tusarnaartitsisuupput.
