UNNIA
Qaqortumi sumiiffimmi ornittagaq nutaaq ammarpoq
Isumassarsiamiit piviusunngortitsinermut: Qaqortoq South Park innuttaasunik peqataatitsinikkut pilersinneqarpoq, maannalu skatebordernissamut, qallortarfittut kiisalu arsartarfittut atorneqarnissaanut periarfissiivoq.
Assi: Innovation South Greenland A/S - Facebookside
Søren
Mortensenip Qaqortumi innuttaasut suleqataarusuttut
suliffeqarfiillu peqatigalugit Qaqortoq South Park pilersippaa –
sumiiffimmi ornittagaq nutaarluinnaq meeqqanut, inuusuttunut
inersimasunillu sammisassaqarnermut atorneqarsinnaasoq.
Illoqarfimmi
inuusuttut Messenger aqqutigalugu allaqatigiittarnerisigut suliniut
aallartippoq, tassani skateboardinik iliuutsinik
avitseqatigiittarnermikkut kiisalu skateboardertarfeqalernissamik
takorluugaqarnerisigut. Isumassarsiaq ineriartorpoq Søren
Mortensenilu siunnersuuteqarluni. Tamatumalu kinguninngua
peqatigiiffik Qaqortoq South Park pilersinneqarpoq. Sumiiffimmi
sanaartugassanik suliakkerneqartartut suliffeqarfiillu
suleqatigalugit takorluugaq piviusunngortinneqarpoq. 60° North
Greenland, KJ Greenland, RAL, HK, Hotel Qaqortoq, Sermeq Helicopters,
Inuplan, Masanti, Sydgrønlandsk El, Stark, Permagreen aamma Kunguaq
parkimut aningaasaliineratigut sumiiffimmi ornittagaq
pilersinneqarpoq.
Qaqortumi
sumiiffimmi ornittagaq najukkami innuttaasunik suliniuteqarneq
suleqatigiinnerlu tunngavigalugit takorluugaq isumassarsiarluunniit
piviusunngortinneqarsinnaaneranut assersuutissaalluarpoq.
