Tasiilami meeqqat isikkamik arsaannermik sungiusartut Hjulmand peqatigalugu
Meeqqat illoqarfiup atuarfiani Tasiilami Alivarpimmeersujt, puigunaatsumik misigisaqarput, marlunngornermi aggutsip 26-iani Kasper Hjulmand peqatigalugu arsarlutik sungiusaramik.
Siornatigut nunanut allanut sungiusaasoq Kasper Hjulmand, Grønlandsbanken suleqatigalugu marlunngornermi Tasiilaq tikeraarpaa Tasiilami Alivarpimmi meeqqanut arsamik sungiusaassalluni.
Sungiusarneq illoqarfiup arsaattarfiani
ingerlanneqarpoq, tassani niviarsiaqqat nukappiaqqallu qiimaqalutik
peqataapput.
Meeqqat arsarnermi teknikki pillugu
ilinniartinnissaat tikeraarnermut siunertatuaanngilaq, aammali nuannaarnermik
peqatigiinnermillu pilersitsinissaq siunertaavoq. Sungiusarnerup kingorna
Hjulmand oqarpoq:
- Meeqqat katersuutsillugit
sungiusartinnerat nuannerpoq, pingaarnerpaavorlu arsarluni ataatsimoorlunilu
nuannisaqatigiinnissaq. Tasiilaq kusanarluinnarpoq, naapitakkalu tamarmik
ammasuupput, ikiuukkumatullutik inussiarnerluinnarlutillu, - meeqqallu inequnarluinnartut,
kiisalu ilinniartitsisut tunniusimalluinnartut, ulluinnarminni
allanngueqataasut naapillugit nuannerpoq, Kasper Hjulmand oqarpoq.
Aaqqissuussaq, atuarfimmit
tapersersorneqangaartoq, Grønlandsbankenip najukkami inuiaqatigiinni kiisalu
meeqqat timersornikkut peqatigiinnikkullu ilorrisimaarnissaannut suliniutaanut
ilaavoq. Sungiusarnermi pinnguartoqarpoq, sungiusartoqarpoq unammisoqarlunilu,
meeqqallu Danmarkimi arsarnermi nuimanerpaat ilaat naapippaat.
Ilanngullugu arsat KAK – Kalaallit
Arsaattartut Kattuffiannit tunniunneqarput.
Assit amerlanerit takukkit assip siulliup qulaani tikkuut toorlugu.
