U18-it arnartai nunatsinneersut Kinamut ajorsangaatsiartut
Arnat assammik arsartartut inuusuttut nunarsuarmi pissartanngorniunnermi unamminermi siullermi Kinamut unammipput. Unammineq nunaminni Kinami unammisut 46-17-imik ajugaanerannik inerneqartoq, KNR.gl nittartakkamini allappoq.
Foto © : IFH - International Håndboldforbund
Kalaallit arnat assammik arsartartut maanna Kinami illoqarfissuami Chuzhoumiipput, 18-it inorlugit ukioqartut nunarsuarmi pissartanngorniunneranni peqataallutik.
Ullormi siullermi kalaallit unammisartut Kinamiunut unammigamik ajorsangaatsiarput, kalaallit arnat 46-17-imik ajorsarmata.
Ajorsangaatsiaraluarlutik kalaaleq Madeline Bjørnstad unamminermi siullermi arfineq-pingasoriarluni isertitsinerpaajusoq, KNR.gl nittartakkamini allappoq.
Unammisaannili Kinameersut arsartui 14-it tamarmik isertitsipput.
Kinamiut U18-it nunarsuarmi pissartanngorniunneranni tamanna ajugaaneranni annerpaajusoq, KNR.gl ilanngullugu allappoq.
Kalaallit U18-it Danmarkimut tallimanngorpat unammissapput.
Unammineq Viaplayikkut imaluunniit IFH-p youtube-atigut isiginnaarneqarsinnaavoq.
