Ujakkaarluni pissartanngorniuttussat ilivermut ningaliliipput

Nunatsinni Ujakkaarluni Pissartanngorniuunnissat ullormik ataatsimik sioqqullugit, sapaammi 13. april nal. 15.00, ujakkaartartut Aasiaat iliveqarfianut katersuupput Hans Rafaelsenip ilerranut ningaliliamik ilisissallutik.

Hans Rafaelsen 2023-mi kræftimik napparsimareerluni toqukkut qimanguttoq timersornerup iluani, pingaartumik ujakkaarnerup iluani, annertuumik sunniuteqarsimavoq.

- Ukioq manna ASP-p ukiuni 55-inngortorsiorneranut atatillugu Aasianni Sisorartartut Peqatigiiffiani (ASP) siulersuisuni tulluartissimavarput Hans Rafaelsenip ilerra  ningalilissallugu. Taamaalilluta Nunatsinni Ujakkaarluni Pissartanngorniunnerinut ammaanersiorneq pisortatiguunngikkaluamik ingerlakkusussimallutigu, Kaja Olsen, Aasianni Sisorartartut Peqatigiiffiani siulittaasoq oqarpoq.

Taanna nangippoq:

- Hans Rafaelsen ukiorpassuarni ASP-mi siulittaasuusimavoq, peerunneratalu kingorna ukioq manna ASP-p siullermeerluni unammersuarnissamik aaqqissuussisussaanerani tulluartissimavarput ilivermut ningaliliissalluta, Kaja Olsen, Aasiaanni Sisorartartut Peqatigiiffiani siulittaasoq oqaluttuarpoq.

Ningaliliamik ilisisuuvoq ASP-mi ataqqinaammik ilaarsortaq Karen Mina Clasen.

Nersornaaserneqarsimasoq

Hans Rafaelsen 2011-mi Faxe Kondip Kalaallit Nunaanni Timersoqatigiiffiit Kattuffianut aningaasaliisartuunermini ukiuni 40-ngortorsiornerminut atatillugu nersornaasiinerani nersornaasingaavoq.

2022-milu nulianilu, Karen Mina Clasen, Maligassiusut Showip ingerlanneqarnerani Kalaallit Nunaanni Sisorartartut Kattuffianit aamma nersornaaserneqarsimavoq.