Atuarfik Pilerfimmi Ukkusissaniittumi allanngortiteralunilu ilasineq

Qulaani allassimasoq Avannaata Kommunia sinnerlugu tamanut ammasumik suliariumannittussarsiuunneqarpoq.

Sanaartornermi Ukkusissat atuarfiani nutarsaaneq, allanngortiterineq ilasinerlu suliarineqassapput.

Atuarfik allatut ilusilerlugu nutarsarneqarlunilu allanngortiterneqassaaq, ilallugulu naqqup iluani ininik nutaanik ilaartorneqassaaq.

Atuarfik 212 m² missaani angissuseqarpoq.

Ilassutissaa naqqullu iluani init nutaat 122,5 m² missaani angissuseqarput.

Suliassaq tamakkiisumik akisussaaffigalugu ingerlanneqassaaq kiisalu isaterinermik, qaartiterinermik, erngup aqqutaanik, betonilerinermik saviminilersuinermillu kiisalu qarmaanermik, qisulersuinermik, qalialersuinermik, qisussanik piareersaanermik, saffiornermik, natilersuinermik, qalipaanermik imikumut ruujorilersuinermik, erngup aqqutaanut, kiassaammut, silaannarissarfimmut, oqorsaasersuinermut innaallagisserinermullu suliaqartoqassaaq.

Suliassaq 2027-mi junip qiteqqunnerani aallartinneqassangatinneqarlunilu 2028-mi maajip aallartinnerani naammassineqassangatinneqarpoq.

Akikinnererpaamik neqerooruteqartut suliarinnittussanngortinneqassapput.

Piffissaq sumilu suliariumannittussarsiornissaq allakkatigut nalunaarutigineqarumaarpoq.

Neqerooruteqartup neqeroorutaa akuerineqassappat akileraartarnermut oqartussamit uppernarsaat tunniunneqartariaqarpoq, tassanilu neqerooruteqartup akiligassanik ilanngaaserisumut 100.000 koruunit sinnerlugit akiitsoqannginnera aningaaserivimmiillu kiisalu sillimmasiisarfimmit qularnaveeqqusiinissamut periarfissaq uppernarsarneqartussaavoq.

Sanaartortitsisoq imminut pisinnaatippoq neqeroorusianik itigartitsisinnaanissaminut.

Neqeroortitsinissamut allakkiat digitaliusut 2026-mi aggustip 3-aniit nassiunneqarsinnaalerlutillu suliarinnittussarsinissap tungaanut uunga inniminnerneqarsinnaapput: 

Rambøll Grønland A/S

Postboks 850 – 3900 Nuuk

Oqarasuaat 32 40 88 – e-mail: ramboll@ramboll.gl