Kuummiini Sermiligaamilu sanaartugassat

Kommuneqarfik Sermersuumi Sanarfinermut Avatangiisinullu Ingerlatsivimmi Suliniuteqaarnermut immikkoortortap Kuummiini Sermiligaamilu sanaartugassat maanna tamanut ammasumik suliariumannittussarsiuuppai.

Suliassat sanaartornermut, nutarsaanermut isaterinermullu tunngasut suliani ataqatigiinneq angisuumillu ingerlatsinermi iluaqutaasinnaasut pilersinniarlugit ataatsimut suliarineqartussanngorlugit suliariumannittussarsiuunneqarput.

Sanaartornermi akisussaasussaq suliassanik ingerlatsinermi saniatigut assartuinermik, angalanermik, inissaqartitsinermik kiisalu suliarinninnermi suliassanik allanik nammineerluni isumaginnissaaq.

Sanaartorneq 2026-mi aasaaneraniit 2027-mi oktobarimut ingerlanneqartussatut naatsorsuutigineqarpoq.

Akikinnerpaamik neqerooruteqartut suliariumannittussanngortinneqassapput.

Neqerooruteqartup neqeroorutaa akuerineqassappat akileraartarnermut oqartussamit uppernarsaat tunniunneqartariaqarpoq, tassanilu neqerooruteqartup akiligassanik ilanngaaserisumut 100.000 koruunit sinnerlugit akiitsoqannginnera aningaaserivimmiillu kiisalu sillimmasiisarfimmit qularnaveeqqusiinissamut periarfissaq uppernarsarneqartussaavoq.

Suliarinnittussarsineq qaqugu sumilu piumaarnersoq neqerooruteqartitsinermi allakkiani allaqqassaaq.

Neqerooruteqartitsinermi allakkiat uunga inniminnerneqarsinnaapput:

Inuplan A/S, Postboks 1024, 3900 Nuuk, e-mail: joo@inuplan.gl