ALLAASERISAQ ANINGAASALIIFFIGISAQ
Savalimmiuni IT-kkut aaqqiissutit siuariartorput
Nema pisortat ingerlatsiviannik isumaqatigiissuteqarpoq
Savalimmiuni IT-kkut suliffeqarfik Nema piffissap nalunaarsorneqartarneranut aaqqissuummik Nema Tid-imik atuinissamut Gjaldstovan-imut, Savalimmiuni aningaasaqarnermut ingerlatsivimmut qitiusumik oqartussaasumut, isumaqatigiissuteqarpoq. Nema-p nammineq ineriartortitaasa IT-kkut aaqqiissutai pillugit pisortat ingerlatsiviat siullerpaamik isumaqatigiissuteqarfigaa. Isumaqatigiissut Nema-mut pingaarutilimmik alloriarneruvoq, suliffeqarfik Kalaallit Nunaanni suliffeqarfinnut namminersortunut arlalinnut digitalikkut aaqqiissutinik pilersuisareerpoq.
Nema ukiuni arlalinni Atlantikup Avannaani suliffeqarfinnut kattuffinnullu digitalikkut aaqqiissutinik ineriartortitsisarsimavoq. Aaqqiissutit arlallit Kalaallit Nunaanni atorneqareerput, suliffeqarfiit namminersortut ilaatigut piffissap nalunaarsorneqartarneranut, akissarsialerinermut aningaasaqarnikkullu aqutsinermut Nema-p aaqqiissutaanik atuisarlutik. Savalimmiuni Nema-p aaqqiissutai aamma sulisoqarnermut immikkoortortaqarfiup suliassaanut allagaatinillu nalunaarsuinermut atorneqartarput.
Isumaqatigiissutip nutaap kingunerisaanik Savalimmiuni pisortat suliffeqarfiutaat Nema Tid piffissap nalunaarsorneqartarneranut aaqqissuussatut toqqarsinnaalissavaat.
– "Kalaallit Nunaanni suliffeqarfiit aaqqiissutinik ineriartortitatsinnik atuisut tulluusimaarutigaagut. Gjaldstovan-imillu isumaqatigiissuteqarneq uagutsinnut alloriarneruvoq pingaarutilik. Upperaarput Atlantikup Avannaani suliffeqarfiit pisortallu ingerlatsivii pisariaqartitaat aallaavigalugit digitalikkut aaqqiissutinik ineriartortitsinissamut periarfissarpassuaqartoq", Nema-mi pisortaanerusoq Gudny Langgaard oqarpoq.
Digitalikkut aaqqiissutit Kalaallit Nunaanni atorneqareersutNema Tid atorlugu sulisut suliffimmiinnerat, takkuttarnerat, sulinngiffeqarnerat, sulinngiffeqarluni akunnernik taarsiisarnerat kiisalu nalinginnaasumik suliffiup avataatigut sulinerat nalunaarsorneqartarput. Taamaalilluni suliffeqarfiup sulianik pitsaanerusumik aqutsinissaa, allaffissornikkullu suliassanik annikillisitsinissaa ulluinnarnilu suleriaatsinik oqinnerulersitsinissaa ajornannginnerulissaaq.
Aaqqissuussaq teknologikkut annertuunik nutarterneqarsimavoq, ullumikkullu cloud-imik tunngaveqartumik aaqqiissutaalluni. Qarasaasiakkut, tabletikkut imaluunniit angallattakkakkut atorneqarsinnaavoq.
Nema-p aaqqiissutai Savalimmiuni ineriartortinneqarsimapput, maannakkulli Atlantikup Avannaani sumiiffinni assigiinngitsuni atorneqarlutik. Suliffeqarfiit kattuffiillu assigiinngitsut pisariaqartitaat suleriaasaallu naapertorlugit naleqqussarneqarsinnaapput. Taamaattumik suliffeqarfinnut mikisunut kattuffinnullu anginerusunut tulluartuullutik.
Aaqqiissutit imminnut ataqatigiikkaangata
Nema Tid saniatigut Nema digitalikkut aaqqiissutinik allanik arlalinnik neqerooruteqarpoq, suliffeqarfiit ulluinnarni allaffissornikkut suliassaannik oqilisaataasinnaasunik. Aaqqiissutit ilaatigut akissarsialerinermut, sulisoqarnermut immikkoortortaqarfimmut, aningaasaqarnermut kiisalu allagaatinik digitalikkut nalunaarsuinermut toqqorterinermut atorneqarsinnaapput.
Nema Journal allagaatinik suliassanillu digitalikkut isumaginninnermut immikkut aaqqiissutaavoq. Aaqqissuussaq suliffeqarfinnut kattuffinnullu allagaatinik aaqqissuussinermut, pisariaqartut nassaarinissaannut kiisalu allaffissornikkut suliassanik aqutsinermut iluaqutaavoq.
Nema-p aaqqiissutai arlallit imminnut ataqatigiissinneqarsinnaapput, taamaalillutik paasissutissat aaqqissuussat assigiinngitsut akornanni nuunneqarsinnaallutik. Taamaaliornikkut paasissutissanik arlaleriarluni nalunaarsuisariaqarneq pinngitsoortinneqarsinnaavoq, allaffissornikkullu suliat pisariinnerusumik ingerlanneqarsinnaallutik.
IT-kkut isumannaallisaaneq pisariaqarluinnarpoq
Nema-p aaqqiissutaanik ineriartortitsinermi nutarterinermilu isumannaallisaaneq pingaarnerpaatinneqarsimavoq. Aaqqiissutit ineriartortinneqarnerminni isumannaallisaanissaq immikkut eqqumaffigalugu suliarineqarsimapput. Tamanna sullitat ulluinnarni suliatik isumannaatsumik ingerlatsisinnaanissaannut paasissutissallu aaqqissuussani toqqorneqartut illersorneqarnissaannut pingaaruteqarpoq.
Nema-p isumannaallisaanermut suliaa aaqqiissutinik ineriartortitsinermut taamaallaat tunnganngilaq. Suliffeqarfiit kattuffiillu qarasaasiatigut aaqqissuussaminnik paasissutissaminnillu illersuinissaannut IT-kkut isumannaallisaanermut aaqqiissutinik neqerooruteqarpoq, aammattaarlu qarasaasiatigut aaqqissuussat paasissutissallu isumannaatsuunissaannut siunnersortarlugit.
Atlantikup avannaani periarfissat nutaat
Gjaldstovan-imut isumaqatigiissut ukiuni pingasuni atuutissaaq, piffissamullu tamatumunnga atatillugu Savalimmiuni pisortat suliffeqarfiutaat Nema Tid toqqarsinnaalissavaat.
Isumaqatigiissut Nema-mut alloriarneruvoq pingaarutilik, Atlantikup Avannaani suliffeqarfinnut namminersortunut pisortallu ingerlatsiviinut digitalikkut aaqqiissutinik ineriartortitsinermik pilersuisarnermillu suliaqarnerup annertusarnissaanut.
Nema suleqatigalugu saqqummiunneqartoq