Nema Nuummi immikkoortortaqarfeqalerluni Kalaallit Nunaanni inissisimaffini nukittorsarpaa

Ukiuni arlalinni Savalimmiuni IT-mik suliffeqarfik Nema Kalaallit Nunaanni suliffeqarfinnik suleqateqarsimavoq. Maannalu Nuummi immikkoortortaqarfeqaler-luni sulinini annertusarpaa. Taamaalilluni suliffeqarfik pisisartunut niuerfimmullu qaninnerulissaaq, misilittakkanilu tunngavigalugit sulinini ingerlateqqissinnaalerlugu.

Nema ukiuni arlalinni Kalaallit Nunaanni suliffeqarfinnut ingerlatsinermut atortunik neqerooruteqartarsimavoq, ilaatigut Nuuk Transportimut Royal Greenlandimullu. Maanna digitalikkut aaqqiissutissanut soqutiginninneq annertusiartorpoq. Aaqqiissutissat ulluinnarni allaffissornermik oqilisaasuupput, suliffeqarfimmilu sulianik assigiinngitsunik pitsaanerusumik ataqatigiissaarillutik.

Systemit ataqatigiisinnerisigut ulluinnarni sulinermik oqilisaaneq

Nema suliffeqarfinnut akissarsianut, sulisunik aqutsinermut, naatsorsuutinut, piffissamik nalunaarsuinermut kiisalu journalinut tunngasunik ingerlatsinermut atortunik ineriartortitsisarpoq. Systemit ataasiakkaarlugit atorneqarsinnaapput, aammali ataqatigiissinneqarsinnaapput. Taamaalilluni paasissutissat systemini assigiinngitsuni ataatsimut atorneqarsinnaalissapput, suliffeqarfiillu paasissutissanik arlaleriarlutik nalunaarsuisariaarutissallutik. Ulluinnarnilu suliassat pisariaqanngitsumik suliarineqartartut ikinnerulissapput.

Kalaallit Nunaanni Nema akissarsianut, HR-imut, naatsorsuutinut, piffissamik nalunaarsuinermut, journalinut Workflow-imullu aaqqiissutissanik neqerooruteqarpoq. Aaqqiissutissat taakku allaffissornermik oqilisaanissamut, suliffeqarfimmi pisunik pitsaanerusumik takunnissinnaanissamut kiisalu suliffeqarfiup pingaarnerusumik suliassaanut piffissamik amerlanerusunik atugassaqartitsinissamut iluaqutaassapput.

Heini Hansen Kalaallit Nunaanni pisisartunut akisussaasuussaaq

Nema Kalaallit Nunaanni sulinerminik annertusaaniarpoq. Heini Hansen Kalaallit Nunaanni pisisartunut akisussaasunngussaaq. Taassuma Nema-p maannakkut pisisartuinut kiisalu pisisartunut nutaanut attaveqarneq isumagissavaa.

Heini ullumikkut Nema-p ingerlatsinermut atortuinik sullissinermik suliaqartarpoq. Ukiuni arlalinni ilaatigut Royal Greenland aamma Nuuk Transport sullittarsimavai. Taamaattumik pisisartut, aaqqiissutissat kiisalu systemit ulluinnarni atorneqartillugit pisariaqartinneqartut ilisimalluarpai.

- Isumalerujussuuvoq aallaqqaataaniik aallartittussaannginnerput. Ukiuni arlalinni Kalaallit Nunaanni pisisartugut qanittumik attaveqarfigisarsimavakka, ulluinnarnilu systeminik atuisarneranni ikiorlugit. Attaveqaatit pilersissimasagut tunngavigalugit suleqatigiinnerput ingerlateqqissallugu nuannaarutigaara. Pisisartugut maannakkut suleqatigisagut kiisalu pisisartut nutaat qaninnerusumik attaveqarfigisinnaanissaat qilanaaraara, Heini Hansen oqarpoq

Nuummi najukkami inissisimaffik

Nema Arctic Print suleqatigalugu Nuummi inissisimaffeqalissaaq. Arctic Print Nema-mut Nuummi allaffeqarnissamut periarfissiivoq. Suleqatigiinneq Nema-mut Kalaallit Nunaanni niuerfimmut qaninnerusumik sulinissamut kiisalu suliffeqarfinnik peqatigiiffinnillu najukkamiittunik attaveqarnissamut periarfissiissaaq.

- Kalaallit Nunaanni niuerfimmi pissutsit ilisimalluarpagut, Nema-p neqeroorutai suliffeqarfinni maani pisariaqartinneqartunut naapertuuttut takusinnaavagut. Nema Kalaallit Nunaanni ukiuni arlalinni sulereersimavoq, pisisartunillu pitsaasumik suleqateqarluni. Taamaattumik nuannaarutigaarput Kalaallit Nunaanni sulinerminik annertusaanermini suleqataasinnaagatta, attaveqaatinillu nutaanik pilersitseqataasinnaalluta, Arctic Print-imi pisortaq Klaus Karlshøj Poulsen oqarpoq.

Nuummi inissisimaffeqalernikkut Nema Kalaallit Nunaanni maannamut suliaqarnera ineriartortinneqaqqissaaq. Ukiuni arlalinni Kalaallit Nunaanni sulereerluni maanna Nuummi aamma najuussinnaalerpoq. Taamaalilluni Nema-p neqeroorutai Kalaallit Nunaanni suliffeqarfinnut peqatigiiffinnullu suli qaninnerusumik pissarsiarineqarsinnaalissapput.

Nema suleqatigalugu saqqummiunneqartoq