25-nik ukiulik suli nassaarineqanngilaq
Angummik 25-nik ukiulimmik maqaasineqartumik ujaasineq ajoraluartumik angusaqarfiunngilaq.
Assi: Leiff Josefsen
Upernavimmi angummik 25-nik ukiulimmik sapaatip-akunnerata naaneranili maqaasineqartumik ujaasinermi suli nutaarsiassaqanngilaq.
Taama pigaartut pisortaat Jeppe Andsager marlunngormat ullaakkut Sermitsiamut oqarpoq:
- Paasissutissanik annikitsunnguanik misissuivugut. Teknikkikkut paasissutissaqarsimavoq, nutaanilli paasissutissaqanngilaq, Jeppe Andsager nassuiaavoq.
Ujaasineq ingerlateqqinneqassanersoq marlunngornerup ingerlanerani nalilerneqassasoq, pigaartut pisortaat nangilluni oqarpoq.
Sapaatip-akunnerata naanerani angut 25-nik ukiulik festivalernermut peqataasimasoq maqaasineqartoq, ilaqutaasut ernumallutik nalunaarput.
Angutip 25-nik ukiullip sumiinneranik ilisimasaqarsinnaasut politiinut 70 14 48-mut attaveqarsinnaapput.
