NUNATTA qitiusumik inissisimasarnera sungiusimavarput, tamatumunnga
ilaatigut patsisaasinnaallutik nunarsuup ilaani inissisimaffia,
aatsitassaqarlunilu isumalluuteqarnera, massakkulli oqallinneq aatsaat taama
piviusunut ungasitsigilerluni.
Maannami Amerikamiut angutit meeqqanut aningaasanik
agguaassilerput.Angajoqqaat meeqqaminnik mikisuuneranniilli takornartanik oqaloqateqarnaveersaarnissaannik,
pisuttuaqateqannginnissaannik biiliinullu ikinngilluinnarnissaannik ilinniartitsisimasut,
qanoq qisuariarnissaat naatsorsuutigisimanerpaat?
AG ISUMAQARPOQ
Allaaserisaq una aviisi AG-mi sapaatip-akunnerani uani saqqummersumi allaaserineqarpoq isummernerulluni.
NUNATTA qitiusumik inissisimasarnera sungiusimavarput, tamatumunnga
ilaatigut patsisaasinnaallutik nunarsuup ilaani inissisimaffia,
aatsitassaqarlunilu isumalluuteqarnera, massakkulli oqallinneq aatsaat taama
piviusunut ungasitsigilerluni.
Maannami Amerikamiut angutit meeqqanut aningaasanik
agguaassilerput.Angajoqqaat meeqqaminnik mikisuuneranniilli takornartanik oqaloqateqarnaveersaarnissaannik,
pisuttuaqateqannginnissaannik biiliinullu ikinngilluinnarnissaannik ilinniartitsisimasut,
qanoq qisuariarnissaat naatsorsuutigisimanerpaat?
SUUT
TAMARMIK naapertuilluanngitsutut misinnarput. Nunarsuatsinni inunnut qanoruna
isiginnittaaseqartoqalersimasoq? Naakkittaannerujussuaq atuutilersimavoq.
Akerleriissuteqarnerpaat ima nipitutigilersimapput allaat inuit silatusaartut, taakku
akunneranniittut nipangersimaannarlutik naalliuuteqartarlutik, tamatuma qanoq
isumaqarneranik eqqortumik nassuiaasoqarneq ajormat. Kikkut tamarmik
isummersinnaatitaapput, taamaattariaqarporlu. Allalli
pilliutigineqartariaqanngillat.
UKIORPASSUARNI,
nukiit aningaasallu atorlugit allanit assigiinngissuteqarnerup pitsaassusianik
immitsinnullu assingusussaannginnitsinnik ilinniartitsinermut atorneqarsimapput,
assigiissuteqarunnaaraangattali tunngavilersuisinnaanerput silaqassuserpullu tammartarput. Qanorluunniit oqartoqaraluarpat inuit nioqqutissaanngillat. Inuuvugut
nammineersinnaasut, eqqarsarsinnaasut kiffaanngissuseqartullu.
DONALD
TRUMP-ip oqaloriaasia annilaarnarnersaagunarpoq. Naalagaaffiit siuttui
isummersimagunarput naalakkersuinikkut nunap qullersaatut pissusilersorneq pitsaanerpaasoq.
Taassunga naleqqussarumanngillat, akerlianilli aatsaat taama pissuserissaartigalutillu
suliaminnullu tunngatillugu aatsaat taama pikkoritsigisumik pissusilersorput.
Oqaatigisai sakkortuut nipangiutiinnarniarsarisarpaat.
AJORNARTORSIUTAAGUNARLUNILI
Donald Trump nipangiutiinnarneqarsinnaanngimmat. Nammineq iluaqutissaminut suut
tamaasa nassuiarniartarpai. Aamma nipangersimanermut tunngasut. Misigissutsinik pilersitsilluartarpoq,
isumaqaraannili takorluukkani piviusunngortissinnaanngikkai, tassanngaannarli Amerikami
tusagassiorfiit nalunaaruteqarput Republikanerit partiiat inatsisinik allanngortitsiniartoq,
præsidenti nunamik pisisinnaanngortillugu. Pingaartumik Kalaallit Nunaat
eqqarsaatigalugu. Tamanna inuinnaat naalakkersueqataanerannut
tunngassuteqanngilaq kajungernarnanilu.
TRUMP-ip
qineqqusaaqqaarnerani tusagassiuutit Amerikami ilaqutariinnik avissaartuutitsinera
sammisorujussuuaat. Trumpip ilaqutariit avissaartuutilerpai, isumaqatigiinngikkaannilu
aappariittoqarsinnaanngilaq. Qineqqusaarnermi kingullermi aamma taamaappoq,
eqqarsaatigiulli nunani qinigaaffiginngisamini politikikkullu attuumassuteqarfiginngisamini
avissaartuutitsinera.
AG-mi
sapaatip akunnerani kingullermi saqqummersumi innuttaasut ilaata USA-mut innuttanngorusunnginneranut
pissutaasoq tassaavoq, USA-mi atugarissaarnermut aaqqissuussinermut tunngasut.
Suut tamarmik akeqarput. Naartuersittarnerit ilanngullugit.
2023-mut
kisitsisit nunatta nakorsaaneqarfianit pissarsiarineqartut takutippaat arnat
988-it katillugit 1034-riarlutik naartuersissimasut, tassa naartuersissimasunit
46-t arlaleriarlutik naartuersissimallutik.
Ukiorpassuarni
naartuersittartut amerlanerpaartaat 20-t 24-llu akornanni ukioqarput, taakkualu
naartuersittarnissaminnut akissaqannginnerusarput.
NUNATTA
Nakorsaaneqarfianit 2023-mut kisitsisit pissarsiarineqartut takutippaat, arnat
988-it katillugit 1034-riarlutik naartuersissimasut, tassa naartuersissimasunit
taakkunannga 46-t arlaleriarlutik naartuersissimallutik.
Naartuersittartut
amerlanerpaartaat ukiorpassuarni 20-t 24-llu akornanni ukioqartarput. Taakkualu
naartuersinnissaminnut namminneq akissaqarnavianngillat.
KISITSISIT
siorna ilinniagaqartut amerlassusaannut tunngasut qiviaraanni, inuusuttuaqqat
50 procentii sinneqalaartut meeqqat atuarfiat naammassisimavaat. Amerlanerunngitsut.
30 procentingajaat GU-mi naammassisimapput 15 procentillu qaffasinnerusumik
ilinniakkaminnik naammassinnillutik. Inuiaqatigiiuvugut ilinniarsimasunik amigaateqartorujussuit. Innuttaasulli ilinniagaqartariaqaraluartut
inuiaqatigiinnit annerusumik
ikiorneqannginnertik naammagittaalliutigisarpaat. Ilinniartut namminneq
ilinniakkaminnut akiliuteqartaleraluarpata qanormita pisoqassagaluarpa? Tamanna amerlanerusut
ilinniagaqarusulernerannik kinguneqassanerluni?
