Namminersorlutik Oqartussani siulersuisuni pingaarutilinni angutit arnallu naligiingajalluinnarnerat Kalaallit Nunaanni usorsisimaarutigineqarsinnaavoq.
Siulersuisuni Namminersorlutik Oqartussanit pigineqartuni angutit amerlanerulaarput, nunanili allarpassuarni pissutsinut sanilliullugu arnat amerlanerungaarput: 54 procentii angutaapput 46 procentiilu arnaallutik.
Namminersorlutik Oqartussani siulersuisuni pingaarutilinni angutit arnallu naligiingajalluinnarnerat Kalaallit Nunaanni usorsisimaarutigineqarsinnaavoq.
Siulersuisuni Namminersorlutik Oqartussanit pigineqartuni angutit amerlanerulaarput, nunanili allarpassuarni pissutsinut sanilliullugu arnat amerlanerungaarput: 54 procentii angutaapput 46 procentiilu arnaallutik.
Suliffeqarneq pillugu 2024-mut nalunaarusiaq nutaaq, naalakkersuisup Bentiaraq Ottosenip (A) saqqummiussaa naapertorlugu Namminersorlutik Oqartussat suliffeqarfiutaanni pisortat amerlanersaat angutaapput. Aqutsisut angutaanerusarput.
- Matumani agguataaneri imaapput: Angutit 71 procentiullutillu arnat 29 procentiupput.
AG-p pisortat qullersaasut pillugit nunani tamalaani assersuutissaqangaanngilaq, Danmarkimili pisortat 300.000-ingajaat 16 procentii arnaapput. Tassa allaat tassani – pisortatut atorfinni – Kalaallit Nunaanni naligiissitaanermut tunngatillugu pissutsit naligiiffiungaatsiarput. Naalakkersuisuni arnat sisamaallutillu angutit arfiniliupput, danskit naalakkersuisuini arnat qulingiluaallutillu angutit 16-iusut.
Suliffeqarneq pillugu nalunaarusiami angutit arnallu naliginnerannik anguniagassaq pingaarutilik qanoq ingerlanersoq aamma kisitsisitigut takuneqarsinnaavoq. - Angutit amerlanertigut akissarsiaqarnerusarput, naak arnat ilinniagaqarluarnerugaluartut, nalunaarusiami allassimavoq.
Ilinniarsimasut quliugaangata arfineq-marluk
Suliffissat pillugit nalunaarusiami sulisussaaleqineq aamma piginnaanngorsagaasarneq sukumiisumik sammineqarput.
- Utoqqaat 70 procentingajaat ilinniagaqarsimanngitsut immikkut maluginiarnarpoq. Tamannalu immikkut ukkatarineqarpoq, nalunaarusiami allassimavoq.
Nalunaarusiami pitsaaqutit arlallit allassimapput. Assersuutigalugu ulloq naallugu sulisartut 1.834-nik amerleriarput — 27.505-iniit 29.339-nut. Suliaqarfiit ikinnerusunik sulisoqalersimasut tassaapput attaveqatigiinnermik, pigisanik nalilinnik, nunalerinermik, pisortanit ikiorsiissutinik ilinniartitsinermillu suliaqartut.
Aamma utoqqaat hundredelippassuit soraarninngorsimagaluarlutik suliuarnissartik aalajangiusimagaat, ullumikkullu ukiut qulikkuutaat matuma siornatigornit ilinniagaqarsimanerusut amerlanerungaarnerat pitsaaqutit ilagaat.
- Ukiulli kingulliit kisiisa isiginiaraanni ukiut tamaasa siuariartoqartarnersoq takujuminaassinnaasarpoq, nalunaarusiami nangilluni allassimavoq.
Aamma inuit eqiasuillutik suligaluarlutik aningaasaateqarpallaanngitsutut misigisarnerat nalunaarusiami sammineqarpoq.
- Pingaartumik inuussutissat akitsoriartornerat pisisinnaanerup apparneranut pissutaavoq, nalunaarusiami allassimavoq, tassanilu aamma pissutsit ilungersunartut inunnut qanoq sunniuteqartartut ersersinneqarpoq: Amerlasuut aningaasarsiornerulerniarlutik aningaasaqarnertillu iliuuseqarfiginiarlugu allamik suliffittaarniarlutik aalajangertarput.
