Kommune Qeqertalimmi borgmesterip Simigaq Heilmannip kommunimilu
pisortanngortussap nammineq illoqarfigisamini Qeqertarsuarmi ulluinnarni
suliffeqarnissaat borgmesterip nalunaarutigaa. Naak kommuni 2018-imi
pilersinneqarmalli allaffissorneq Aasianni qullersaqarfeqarsimagaluartoq. Tamatuma
saniatigut Kommune Qeqertalimmi borgmesterimut allatsimik juulip aallaqqaataani
atorfinittussamik ujaasisoqarpoq, atorfimmullu inuttassarsiuussineq kommunip
nittartagaani saqqummiunneqartoq naapertorlugu atorfik Qeqertarsuarmi
qitiusumik inissisimassaaq.
Qitiusumik allaffeqarfik Qeqertarsuarmut nuunneqarnissaannik
siunnersuut illuatungiliuttuni Siumumit sakkortuumik isornartorsiorneqarpoq,
partiilu suleqatigiinnissamik isumaqatigiissuteqarfigineqatoq Inuit Ataqatigiit
allannguutissatut siunnersuut kingusinnerusukkut kommunalbestyrelsimit
isummerfigineqassasoq nalunaarput.
Kommune Qeqertalimmi borgmesterip Simigaq Heilmannip kommunimilu
pisortanngortussap nammineq illoqarfigisamini Qeqertarsuarmi ulluinnarni
suliffeqarnissaat borgmesterip nalunaarutigaa. Naak kommuni 2018-imi
pilersinneqarmalli allaffissorneq Aasianni qullersaqarfeqarsimagaluartoq. Tamatuma
saniatigut Kommune Qeqertalimmi borgmesterimut allatsimik juulip aallaqqaataani
atorfinittussamik ujaasisoqarpoq, atorfimmullu inuttassarsiuussineq kommunip
nittartagaani saqqummiunneqartoq naapertorlugu atorfik Qeqertarsuarmi
qitiusumik inissisimassaaq.
Qitiusumik allaffeqarfik Qeqertarsuarmut nuunneqarnissaannik
siunnersuut illuatungiliuttuni Siumumit sakkortuumik isornartorsiorneqarpoq,
partiilu suleqatigiinnissamik isumaqatigiissuteqarfigineqatoq Inuit Ataqatigiit
allannguutissatut siunnersuut kingusinnerusukkut kommunalbestyrelsimit
isummerfigineqassasoq nalunaarput.
Aalajangiinerit
kommunip missingersuutaanut pilersaarusiorneranullu sunniuteqartut
kommunalbestyrelsimi suliarineqartartut Ilisimatusarfimmi ilisimatusartoq aamma oqarpoq.
Sakkortuumik
isornartorsiorneqartoq
Qitiusumik
allaffeqarfik Qeqertarsuarmut nuunneqarumaartoq Demokraatit, Inuit Ataqatigiit
Naleqqallu suleqatigiinnissamik
isumaqatigiissutaanni allassimanngilaq. Qitiusumik allaffeqarfiup
nuunneqarnissaanik aalajangiineq kommunalbestyrelsimi suli
suliarineqarsimanngimmat borgmesteri kommunit aqunneqarnerat pillugu
Inatsisartut inatsisaannik unioqqutitsisoq Aqqa Samuelsen, Siumut, isumaqarpoq.
Taamaalilluni
kommunalbestyrelsimi ilaasortat politikkikkut allaffissornikkullu aqutsinerup
Qeqertarsuarmut nuunneqarneranik ilisimatinneqarsimannginnerat pissutigalugu
aalajangiinerup eqqortuuneranik apeqqusiivoq.
- Ataatsimiititaliaq
INUA kommunalbestyrelsiluunniit isumasiornagit aalajangiisoqarnera tupinnarpoq.
Qinigaaffimmi qaangiuttumi kommunimi aqutsisut
isornartorsiorneqangaatsiarsimapput, maannakkullu politikkikkut aqutsisut
assinganik iliorniarnerat tupinnarpoq, taanna
oqarpoq.
Oqaluuserineqassasoq
Allaffissornikkut
politikkikkullu aqutsisut qullersaqarfiat Qeqertarsuarmut nuunneqarnissaannik
allannguutissatut siunnersuut kommunalbestyrelsimi oqaluuserineqarumaartoq
Kristian Jeremiassen, Inuit Ataqatigiinneersoq, ilisimatitsivoq, aammali
borgmesteri atorfilittaasalu qaninnerit, ilaatigut kommunaldirektøri,
ulluinnarni sulinertik tassani ingerlattassammassuk Aasiaat allaffissornikkut
illoqarfiussasoq taamanikkut ikaarsaariarnermut ataatsimiititaliap 2017-imi
aalajangersagaanut innersuussivoq.
- Allannguutissat
oqaluuserisassanut ilanngunneqassapput, qitiusumillu allaffeqarfik sumi
inissisimassanersoq kommunalbestyrelsimit aalajangiiffigineqassaaq.
- Qitiusumik
allaffeqarfiup Aasianniinnissaanik 2017-imi siunnersuutiginnittuuvunga,
ilisimaneqartulluullu tamanna akuerineqarpoq, taanna oqarpoq.
Tamannali
qaqugu eqqartorneqarumaarnersoq suli oqaatigisinnaanngilaa.
Borgmester
Simigaq Heilmann oqaaseqartissinnaasimanngilarput.
Kommunalbestyrelsi
akuutinneqassasoq
Najaaraq
Demant-Poort, Ilisimatusarfimmi Inuiaqatigiilerinermi, Aningaasaqarnermik
Tusagassiornermillu Ilisimatusarfimmi ph.d.-nngorniartoq naapertorlugu,
kommunip aningaasaqarneranut aaqqissuussaaneranullu tunngatillugu
aalajangiiniaraanni kommunalbestyrelsi peqataatinneqartariaqarmat Simigaq
Heilmann borgmesteritut kisimiilluni aalajangiisinnaanngilaq.
- Taamaaliorusukkuni
nammineq isumaqatigiissuteqarluni Qeqertarsuarmi najugaqarsinnaallunilu tassani
sulisinnaavoq. Allaffissornerulli nuunnissaa pineqarpat kommunalbestyrelsi
peqataatittussaavaa, taannami kommunip missingersuutaanut
pilersaarusiorneranullu sunniuteqarpoq.
- Borgmesteri
atorfillillu qaninnerit, ilaatigut
kommunaldirektøri, Aasianni najugaqarlutillu sulissasut kommunalbestyrelsip
siuliata aalajangersimappagu, taava allannguutissatut siunnersuut
kommunalbestyrelsimi suliarineqassaaq, oqarpoq.
Qeqertarsuarmi
suligallarsinnaasoq
Oqaluuserisassap
kommunalbestyrelsimi oqaluuserineqannginnerani borgmesteri Qeqertarsuarmi
sulisinnaasoq partiit suleqatigiit iluminni
isumaqatigiissutigisinnaagaat, kommunalbestyrelsimilu ataatsimiinnissaq
illoqarfimmini Qeqertarsuarmi suliinnarsinnaaneranut aalajangiisuussasoq
Najaaraq Demant-Poort aamma oqarpoq.
Simigaq Heilmannilli Qeqertarsuarmi
najugaqartuarnissani suliartortuarnissanilu aalajangiusimaannarpagu, partiillu suleqataasut ilaasa Aasianni
aalajangersimasumik suliffeqartikkusuppassuk, tamanna suleqatigiinnermi
aaqqiagiinngissuteqarnermik kinguneqarsinnaasoq, taanna naqissusiivoq.
Kommunaldirektørimik
suli atorfinitsitsisoqanngilaq.
