Naalakkersuisut
siulittaasuata Jens-Frederik Nielsenip (D) EU-mik suleqateqarnerup
nukittorsarneqarnissaa kissaatigaa. Tamanna ministeriunerup Mette
Frederiksenip Nuummut tikeraarneranut atatillugu oqaatigaa.
- Naalagaaffeqatigiinnerup iluani taamaallaat suleqatigiinngilagut –
allanik aamma periarfissaqarpoq qineqqusaarnitsinni
eqqartukkatsinnik. EU tassani qitiusorujussuuvoq. Nunarsuarmi
pissutsit taama allanngorartigineranni nukittuunik
ileqartariaqarnerput avaqqunneqarsinnaanngilaq, Jens-Frederik Nielsen
(D) umiarsuup alapernaarsuutip Vædderenip eqqaani ministeriuneq
Mette Frederiksen (S) peqatigalugit tusagassiortunik
katersortitsinermi oqarpoq.
Suleqateqarsinnaaneq
eqqarsaatigalugu periarfissarpassuaqartoq isumaqarpoq –
illersornissamut tunngatillugu aammalu inuussutissarsiornermi
ineriartornermilu.
Naalakkersuisut
siulittaasuata Jens-Frederik Nielsenip (D) EU-mik suleqateqarnerup
nukittorsarneqarnissaa kissaatigaa. Tamanna ministeriunerup Mette
Frederiksenip Nuummut tikeraarneranut atatillugu oqaatigaa.
- Naalagaaffeqatigiinnerup iluani taamaallaat suleqatigiinngilagut –
allanik aamma periarfissaqarpoq qineqqusaarnitsinni
eqqartukkatsinnik. EU tassani qitiusorujussuuvoq. Nunarsuarmi
pissutsit taama allanngorartigineranni nukittuunik
ileqartariaqarnerput avaqqunneqarsinnaanngilaq, Jens-Frederik Nielsen
(D) umiarsuup alapernaarsuutip Vædderenip eqqaani ministeriuneq
Mette Frederiksen (S) peqatigalugit tusagassiortunik
katersortitsinermi oqarpoq.
Suleqateqarsinnaaneq
eqqarsaatigalugu periarfissarpassuaqartoq isumaqarpoq –
illersornissamut tunngatillugu aammalu inuussutissarsiornermi
ineriartornermilu.
-
Inuussutissarsiornikkut allatigullu inerisaasinnaaneq taanna
Naalagaaffeqatigiinnerup
iluani tamakkiisumik
pilersittariaqanngilaq, allamut aamma
qivialaarsinnaaneq
periarfissaqarsoraara, Jens-Frederik Nielsen oqarpoq.
Europami
sakkutuunik amerlisaaneq
Qaammatini
kingullerni – Inatsisartunut qineqqusaartoqarnerata nalaani –
EU-mi nunat ilaasortat 27-t Ruslandip aarlerinartorsiortitsinera
pissutigalugu isumannaallisaanermut illersornissamullu tunngasut
oqallisigisaqattaarpaat. Suliniut "ReArm Europe"
aallartinneqassasoq ukiunilu tulliuttuni sisamani sakkutooqarnikkut
annertusaanermut 6.000 milliardit koruuninik aningaasaliinissaq
isumaqatigiissutigineqarpoq.
– EU-mi
annertuumik suliniuteqarpugut, tassa EU-p nunallu ilaasortaasut 27-t
isumannaatsuunerat illersorneqarnerallu qulakkeerniarlugit. Tamanna
russit aarlerisaarinerannut qisuariaataavoq. Taamaattumik
illersornissaqarfitsigut annertusaavugut, tamatumalu peqatigisaanik
aningaasaqarnikkut sinaakkutit pitsaanerusut qulakkeerpavut. Aamma
illersornissamut tunngatillugu suliffissuaqarneq
annertusaaffigaarput, pisariaqartitatigut sakkullu eqqarsaatigalugit
suliaqartoqarsinnaaqqullugu, ministeriuneq Mette Frederiksen Nuummi
tikeraarnermini oqarpoq.
-
Kunngeqarfiup Danmarkip isumannaatsuunissaa illersorsinnaanera
pineqarpoq. Issittumut pisussaaffitsinnut tunngatillugu
Naalakkersuisut danskillu naalakkersuisui qanimut suleqatigiipput,
ministeriuneq oqarpoq.
Kalaallit
Nunaanniit Jens-Frederik Nielsenillu EU-mik suleqateqarnerunissamik
kissaateqarneq tapersersorpai.
Issittoq
Atlantikullu avannaa pillugit isumaqatigiissutit
Issittoq
Atlantikullu Avannaa pillugit isumaqatigiissut 14 milliardit
koruuninik aningaasartalik Illersornissamut ministerip Troels Lund
Poulsenip, isumaqatigiissuteqaqatigiit nunanullu allanut tunngasunut
naalakkersuisup 2025-mi januaarip 27-anni atsiorpaat.
– Suliniutit
tulliuttut pillugit qanimut oqaloqatigiinneq aallartereerpoq -
Issittoq pillugu suliniutit tulliuttut, kingusinnerpaamik ukiup
naanerani naammassineqartussat. Soorunami aamma NATO-mi
oqallittoqarpoq, tamannalu pissusissamisoorpoq. NATO-mimi nunat
ilaasortat amerlasuut issittumiipput, ilaatigut Kunngeqarfik Danmark
ilaalluni. Aamma tamatumani Naalakkersuisut danskillu naalakkersuisui
qanimut oqaloqatigiipput, Mette Frederiksen oqarpoq.
Isumaqatiginninniutissat
tulliuttut
2025-p
affaani siullermi Issittoq Atlantikullu Avannaa pillugit
isumaqatigiisutip immikkoortua alla atsiorneqassaaq, tamannalu nunap
immikkoortuani illersornissatsinnut isumannaallisaanermullu
iluaqutaassaaq.
Illersornissamut
isumaqatigiissutip immikkoortua siulleq, katillugit 14 milliardit
koruuninik aningaasartaqartoq, NATO-p sillimaniarnikkut
annertusaanermut anguniagaasa naammassinissaannut
periarfissaqartitsissaaq. Aningaasaliissutissat siulliit sakkutuut
imarsiortut piginnaanerisa nukittorsarnissaannut atorneqassapput,
ilaatigut umiarsuarnut nutaanut, umiarsuarnut sikusiutinut aamma
atortorissaarutinut inuttaqanngitsunut.
