Great Greenland A/S-imi pisortaq tunuarpoq
Great Greenlandimi pisortaq Preben Møller juulip 10-ani 2025 aallarnerfigalugu Great Greenland A/S-imi pisortatut isumaqatigiissuteqarnikkut tunuartoq, Great Greenlandip siulersuisuisa tusagassiorfinnut ullumikkut tamanna nalunaarutigaat.
Preben Møller 1. april 2018-imi Great Greenlandimi pisortaagallartussatut atorfinitsinneqarpoq, tamatuma kingorna 1. oktober 2018-imi pisortatut atorfinitsivinneqarluni. Maannali nalunaarutigineqarpoq 10. juli 2025-imi isumaqatigiissuteqarnikkut tunuartoq, ingerlatseqatigiiffillu nutaamik pisortassarsiortussanngortoq. Preben Møllerip taarserneqarnissaata tungaanut Aviaja Holm Jensen pisortaagallartutut atuutissaaq.
Arkivfoto: Trine Juncher Jørgensen
Great Greenlandimi siulersuisut siulittaasuat, Juliane Henningsen Heilmann tusagassiuutitigut nalunaaruteqarluni allappoq suliffeqarfiup pisortaa, Preben Møller, juulip 10-ani 2025-imi isumaqatigiissuteqarnikkut pisortatut tunuartoq.
Pisortap tunuarnissaanik isumaqatigiissuteqarneq pivoq ingerlatseqatigiiffiup ataatsimeersuarnerata aqaguani.
- Siulersuisut
Preben Møller-p suliffeqarfimmi suliaqarsimaneranut tunniusimallunilu
sulisimaneranut qujapput, tusagassiorfinnut nalunaarummi allassimavoq.
Aviaja Holm Jensen pisortaagallartutut atorfinitsinneqarpoq nutaamik pisortanitsitsinissap tungaanut, nalunaarutigineqarporlu pisortassarsiorneq piaarnerpaamik aallartinneqassasoq.
Nassuaatigineqanngilaq sooq suliffeqarfik maanna nutaamik pisortassarsiorniarnersoq, kisianni suliffeqarfiup siulittaasuata tusagassiorfinnut nalunaarutini ima nangippaa::
- Siulersuisut
pingaartippaat suliffeqarfiup pitsaasumik ingerlaannarnissaa tamatumalu
inuiaqatigiinnut iluaqutaajuarnissaa.
