Great Greenland amigartooruteqartoq – naatsorsuutigisaminilli angusarissaarnerusoq

Great Greenland amigartooruteqarpoq, taamaakkaluartoq angusai suliffeqarfiup siulersuisuisa aqutsisuisalu naammagisimaarpaat. Amigartooruteqarnerunissaami naatsorsuutaasimagaluarpoq.

2024-mimi 12.734 millionit koruuninik kaaviiaartitaqarnissaa 2,5 millionit koruuninillu amigartooruteqarnissaa naatsorsuutigineqarsimagaluarpoq. Amigartoorutaali tassa 1,1 millionit koruuniupput kaaviiaartitaalu 14.390 millionit koruuniullutik.

Aningaasaataalu atoriaannaat 133.692 millionit koruuniupput.

- Akiliisinnaassusia ukiup ingerlanerani allanngorartorujussuuvoq. Aningaasaqarnikkut patajaatsumik inissisimasinnaaqqullugu 2024-mi ukiup qiteqqunnerata kingorna sipaarniuteqarnissaa pisariaqarsimavoq.

Great Greenland aningaaserivimmut akiitsuminik tassanngalu taarsigassarsiaminik appaanissaminut Namminersorlutik Oqartussanit 2 millionit koruuninik aamma tapiiffigineqartoq, kiffartuussinissamik 2024-mi isumaqatigiissummi allaqqavoq.

Tunitsivigineqarluartoq

Great Greenland puisit amiinik 2024-mi ilimagisamit tunitsivigineqarneroqaaq, nioqqutissiaalu pisarnermit aamma tunisaanerulaarsimallutik. Nuummi mittarfissuartaaq nioqqutissiaata pisarnermit tunisaanerulaarsimanerannut peqqutaanerpaavoq, angalasummi nioqqutissiaanik akitsuusigaanngitsunik tassani pisisinnaammata.

- Puisit amiinik ilimagisamit tunitsiviuneroqaaq. Aataat amiinik Kitaani pisarnermit tunisaqartoqarnerungaatsiarpoq. Tamanna nioqqutissiornerulissutiginngikkaa, suliffeqarfimmi aqutsisoqatigiit nalunaarutaanni ukiumoortumik nalunaarusiamiittumi ingerlatseqatigiiffiullu pingsunngornermi ataatsimeersuarnerani akuerineqartumi allaqqavoq.

Tassa ammit nunatsinni tunitsiviinut katillugit 34-usunut 2024-mi tunisat 34.976-iupput 2023-mi 26.076-iullutik. Tassa ammit tunisat ukiup ataatsip ingerlanerani 7.000 på et år.

Taamaattumik katillugit 34.976 ammit 2024-mi tunineqarput, 2023-mi nunami 34-t tunitsivinni 26.076 ammit tunineqaramik. Tassa ammit tunisat ukiup ataatsip ingerlanerani 7.000-init ikinnerunngitsunik amerleriarput.

- Tunisisunut akiliutissanut tapiissutit nungupput, piniartullu tunisisinnaaginnaqqullugit sanitigut tapiiffigineqarnissamut qinnuteqartariaqarsimasoq, ukiumoortumik nalunaarusiaani nassuiarneqarpoq.

Great Greenlandillu tassa saniatigut tapiiffigineqarnera pitsaanerusumik angusaqarneranut pissutaasoq, aqutsisoqatigiit nalunaarummini nassuiaapput.

Siunissaq nalunartoq

Kiffartuussinissamik isumaqatigiissutit, nioqqutissiornerunissaq, nutaanik nioqqutissiornissaq pisisartullu kissaataannik tunniussinissaq Great Greenlandip ingerlaannarsinnaanissaanut pingaaruteqarluinnarput.

Ingerlatseqatigiiffik 2025-mut missingersuusioreerput, tassanilu 13,1 millionit koruunit missaannik kaaviiaartitaqarnissaa 1,3 millionit koruunillu missiliorlugit amigartooruteqarnissaa naatsorsuutigineqarpoq.

- 2025-mi ukiumi naatsorsuuseriffiusumi aningaasanik amerlanerusunik pisariaqartitsilissangatinneqarpoq, aamma ERP-systemimik taaneqartartumik nutaamik nalunaarsuiffittaarnissamut aningaasaliissutissaminik, aqutsisoqatigiit allapput nangillutillu:

- Ingerlatsinermut ERP-systemimillu taaneqartartumik ukiut tulliuttut ingerlaneranni nutaamik nalunaarsuiffittaarnissamut tunngasutigut aningaasaliissutissanik tapiiffigineqarnissaa anguniarlugu aqutsisoqatigiit aningaaserivimmeersut Namminersorlutik Oqartussaneersullu oqaloqatigaat. Tamanna naatsorsuutit saqqummiunneqarneranni iluatsissanersoq nalunarpoq, aqutsisoqatigiilli tamanna iluatsissangatippaat, taamaammallu ingerlatseqatigiiffiup ingerlaannarnissaanik naatsorsuuteqarnertik tunngavigalugu ukiumoortumik naatsorsuutit saqqqummiuppaat.