Henriette Berthelsenip 13-inik ukioqarluni piumasarinngisaminik spiralilersissimanini pillugu ukioq manna januaarimi Kalaallit Nunaata siunissaa pillugu TV-kkut oqallinnermi danskit naalagaaffiannit utoqqatserfigineqarnissani kissaatigaa. Henriette Berthelsen taamani utoqqatserfigineqanngilaq. Pingasunngornermili utoqqatserfigineqarpoq, ministeriuneq Danmark sinnerlugu oqarmat: „Utoqqatserpunga“.
– Tamanna paasigakku qiiaammerlungalu killinneqaatigingaarpara. Taamatut killinneqaatigineqassallugu ilimagisimanngilara. Kisianni akuerineqarnissaq pineqarpoq. Mette Frederiksenimi Danmarkimiit pisortatigoortumik sinniisuugami spiralilersuinermut tunngatillugu taamaallaat utoqqatsinngilaq, aammali kalaallit ukiorpassuarni assigiinngisitsinermik aaqqissuussamik atugaqartinneqarsimanerat pillugu utoqqatserpoq, Henriette Berthelsen oqarpoq.
Henriette Berthelsenip 13-inik ukioqarluni piumasarinngisaminik spiralilersissimanini pillugu ukioq manna januaarimi Kalaallit Nunaata siunissaa pillugu TV-kkut oqallinnermi danskit naalagaaffiannit utoqqatserfigineqarnissani kissaatigaa. Henriette Berthelsen taamani utoqqatserfigineqanngilaq. Pingasunngornermili utoqqatserfigineqarpoq, ministeriuneq Danmark sinnerlugu oqarmat: „Utoqqatserpunga“.
– Tamanna paasigakku qiiaammerlungalu killinneqaatigingaarpara. Taamatut killinneqaatigineqassallugu ilimagisimanngilara. Kisianni akuerineqarnissaq pineqarpoq. Mette Frederiksenimi Danmarkimiit pisortatigoortumik sinniisuugami spiralilersuinermut tunngatillugu taamaallaat utoqqatsinngilaq, aammali kalaallit ukiorpassuarni assigiinngisitsinermik aaqqissuussamik atugaqartinneqarsimanerat pillugu utoqqatserpoq, Henriette Berthelsen oqarpoq.
Henriette Berthelsenip danskit naalagaaffiat arlaleriarluni utoqqatseqqusarpaa, taannattaarlu 2024-mi arnat 143-t danskit naalagaaffiannik eqqartuussivimmut suliassanngortitsisimasut ilagaat.
Tarnip pissusaanik ilisimasalimmit ikiorneqarumasoq
Arnat eqqugaasimasut pisortanit akuerineqarnermi kingorna misigissutsimikkut anniaatiminnik qaangiinissaat siunertaralugu ikiorneqarnissaminnut iliuusissatut pilersaarusiorfigineqassasut Henriette Berthelsenip neriuutigaa.
– Tamatuma tarnikkut sunnersimagaatigut akuerineqartariaqarpoq, neriuppungalu Danmarkimiittugut tarnikkut ikiornearsinnaalissasugut. Tamanna nunap inoqqaavisa pisinnaatitaaffiinik ataqqinninnerulernissamut aallarniutaassasoq aamma neriuppunga. Sakkussammi taakku qaangiinissatsinnut isumakkeerfigeqatigiinnissatsinnullu atorsinnaavagut.
Misissuinermit inernerit utaqqigai
Henriette Berthelsen naapertorlugu spiralilersuineq pillugu misissuinerup arlaannaannulluunniit attuumassuteqanngitsumit suliarineqartup saqqummiunneqarnissaa sioqqullugu utoqqatsertoqarnera, misissuinerup oqaluttuarisaanermik ataatsimoorussamik unneqqarissumik aammali erloqinartumik takutitsineranut takussutissaavoq.
- Misissuineq piviusumut sanilliullugu kusassagaavallaassasoq isumakuluutigisimavara. Taamaattoqanngilarli.
Henriette Berthelsen naapertorlugu danskit naalagaaffiat Canadamit, Sverigemit Norgemillu isumassarsisinneqartariaqaraluarpoq, tassa sapaatip-akunnerata tulliani misissuinerup inernera tamanut saqqummiunneqareerpat ilumoortumik paasiniaanissamik saammaasseqatigiinnissamillu ataatsimiititaliarsuarnik pilersitsilluni.
