Illoqarfiup ilaanut pilersaarut aqqutalugisassartalik

Nuummi Qaqortumi Avannarlernilu illutoqqat allatut sanaartugaasarneranni, allineqarneranni, imaluunniit nutaanik anginerusunillu sanaartugaqarnermut inissaliiniarluni isaterneqartarneranni Kommuneqarfik Sermersuumi Sanaartornermut Avatangiisinullu Ingerlatsiviup immikkut akuersissutinik tunniussinissaminut tunuarsimaartorsuunnginnera peqatigiiffiup Nuummi Eqqaamasat isornartorsiorpaa.

- Sumiiffimmut kommunip pilersaarutaanut tapiusup sanioqqunneqannginnera isumaqarfigaara, aalajangersakkanili arlalinni paasisassatut nassuiaatinut inissaqarpoq.

- Taamaattorli immikkut akuersissuteqarneq pitsaasumik tunngavigisamik pisariaqartitsivoq, pilersaarummilu pingaarnertut siunertarisaanut akerlileeqqusaanngilaq, Kommuneqarfik Sermersuumi pilersaarusiornermut oqartussaaffimmullu pisortaq Runa Sværd Sermitsiamut oqarpoq.

2018-imit illoqarfiup ilaanut pilersaarummit atuuttumit assersuutit pingasut, paasisassatut nassuiaatissanut ammaasut.

§ 20.3: Illut init quleriinnit 1 ½-imit portunerussanngillat.

- Tamatigoortumik quleriinni ½-imik suliamik isumaginnittussaanissaq nuannaarutigineq ajorparput, oqariaatsimillu atorunnaarsitsiartuaarneq ingerlatariartuaalerparput. Illut portussusisaat qaleriivilu pillugit kommunip pilersaarutaani aalajangersakkanik kingullermik iluarsaassinermi qaleriimmik ½-imik qanoq isumaqartoqarnera paasiuminarsarniarsarisimavarput. Allannguut aatsaat marsip qaammataani akuerineqarpoq, kingumullu utertitsilluni tunngasuutinneqanngilaq, Runa Sværd oqarpoq.

AAMMA ATUARUK

Nuup Qaqortuani illupilorujussuit amerleqqissanngillat

§ 21.2.1: Sanaartukkat inimik quleriinnik ataatsimik annerpaamik portussuseqarsinnaapput qaliata inissatut atorneqarsinnaanera siunertaasinnaassalluni. Nunap ilusaa malillugu kælderi najugaqarfigisassaanngitsutut allatut atorneqarsinnaavoq.

- Akuttunngitsukkut nunataq sivinganeqarfeqaraangat paasisassanut nassuiaaffissaq pinngortarpoq. Apeqqut tassaavoq qaleriit taakku 1 ½-iusut aqqusinermit sanilerisanillu qanoq isikkoqarneri, imaluunniit sumiiffittut isiginniffinnit sisamanit tamanit. Sumiiffiit ilaannit toqqaviup imaluunniit toqqammaviup assorsuaq portorpasissuuneranik pisoqarfeqarsinnaasarpoq.

Kommunip pilersaarutaanut tapiliummi § 21.2.2: Kældereqarnissamut illup toqqavianut killigititaq malillugu nunap ilusaanik naleqqussaanissamik periarfissaqarpoq. Illup portunerpaaffissaatut maleruagassaq malinneqassaaq

- Tassaavoq aalajangersagaq uagutsinnut ajugaaffiginiagassanik tunisisimasoq. Qaartiterinerup kingornatigut nunatamik iluarsaaqqinniarneq ajornakusoortarsinnaavoq, taamaalillunilu aamma toqqammavimmik qaliallu qaavanut naleqqerfimmik suminngaanniit uuttortaasoqarnissap aalajangerniarnera ajornakusoortarsinnaalluni.

2026-mi tusarniaaneq

Ukiakkut 2025-mut missingersuutinut isumaqatigiissut kommunalbestyrelsip akuersissutigaa, taannalu illoqarfiup ineriartornera tulluarlunilu illulioriaatsikkut ilusilersukkamik qulakkeerinnissaaq.

Takorluukkat taakku naapinniarlugit Teknikkimut Avatangiisinullu Ingerlatsiviup Qaqortumut Avannarlernullu illoqarfiup ilaanut pilersaarut sukanganerusoq suliariniarpaa.

- Nutaanik taarsiiniarluni GTO-typehusiisa isaterneri takuagut, ajornanngippallu illoqarfiup ilaanut pilersaarut nutaaq illulioriaatsip attatiinnarnissaanut ilalersuuteqarniartussaassaaq, Runa Sværd oqarpoq.

- Takorluukkat assigiinngitsut suliaqarfigissavavut, tassanilu nutaanik sanaartornermut naleqqiullugu nutarsaalluni iluarsaassiniarneq neriuutiginartutut kajungernarnerulissaaq. Illumut tamaaneereersumut naleqqiullugu anginerusunik sanaartortariaaruffigisalik illoqarfiup ilaanut pilersaarut suliarilertussaassavarput. Tamatumunngali illunut maannakkut ittuusunut sanaartorsinnaanissamik piumasaqaateqarfiussagunassaaq, illulli portunerusunngorlugit sanaartorneqassannginnerinik qanoq qularnaarisinnaanissarput misissortussaassavarput.

2026-p qeqqanit Qaqortumut Avannarlernullu pilersaarutitut suliarisap nutaap tusarniaassutiginissaa naatsorsuutigineqarpoq.