Ilulissani qimmit toqorartut: Tuniluussinnaasumik nappaammik ersiuteqanngitsut

Uumasut Nakorsaqarfik Inuussutissalerinermullu Oqartussaaffik paasissutissanik nutaanik tusarliussassaqarpoq, siusinnerusukkut Ilulissani qimmit toqorarsimanerinik nalunaarummut.

Foto: Naalakkersuisut

Tôrtia Reimer-Johansen Tôrtia Reimer-Johansen Journalist

Offentliggjort mandag 17. mar 2025 08:41

AAMMA ATUARUK

Qimmeqatigiit napparsimanermik eqqugaapput, ilimagineqarpoq nerukkaatissaat pissutaasimassasut

Tuniluuttoqarsimanissaannik ernumanartoqanngilaq.

Oqartussaaffiup martsip 12-ani qimminik misissuinerata takutippaa qimmit tuniluussinnaasumik nappaammik ersiuteqanngitsut. Aammattaaq pisup kingorna qimminik napparsimasunik toqusunilluunniit siumugaqartoqarsimanngimmat piffimmi eqqartorneqartumi.

- Oqartussaaffiup nalilerpaa qimmit nerukkarneqarneranniit aallaaveqarsinnaasoq.

Ussassaarut

Qimmit toqungasut Ilulissani tuniluuttoqarnissaannik ernumasoqarmat misissorneqaqqammerput.

Iliuuserisat atorunnaarsinneqartut

Tamanna tunuliaqutaralugu tuniluuttoqannginnissaa anguniarlugu iliuuserititat qimmiutilinni ingerlanneqartut maannamut atorunnaartinneqarput.

- Siusinnerusukkut nalunaarutigeriikkatsitut qimminik peqqissunik nuunneqaqqusaajunnaartitsisoqanngilaq, tassungalu atatillugu Qimussersuaqartitsinermi qimminik peqataatitsisoqarsinnaammat, qimmit nalunaaqutsersimanissaannik nappaatinullu akiuussuserneqareersimanissaannik maleruareqqusat naammassineqarsimappata.