Attaveqaasersuutit pingaarutillit pillugit suliniutinut pingaarutilinnut marlunnut Danmarkip Kalaallit Nunaannut 1,6 milliarder koruuninik sinaakkutissami isumaqatigiissummi nutaami aningaasaliissutigisaanut ilanngunneqarmata aatsaat Qaqortumi umiarsuarnut talittarfimmik pilersitsinissamik politikkikkut kissaateqartoqartoq inuit amerlanersaasa tusarpaat.
Naalakkersuisut siulittaasuat Jens-Frederik Nielsen naapertorlugu Qaqortumi umiarsualivimmik ullutsinnut naleqquttumik umiarsuarnik takornariartaatinut talittarfiusinnaasumik sivitsortumi kissaateqartoqarsimavoq.
Attaveqaasersuutit pingaarutillit pillugit suliniutinut pingaarutilinnut marlunnut Danmarkip Kalaallit Nunaannut 1,6 milliarder koruuninik sinaakkutissami isumaqatigiissummi nutaami aningaasaliissutigisaanut ilanngunneqarmata aatsaat Qaqortumi umiarsuarnut talittarfimmik pilersitsinissamik politikkikkut kissaateqartoqartoq inuit amerlanersaasa tusarpaat.
Hans Otto Holmegaard Kristensen, umiarsuit imarsiornerlu pillugit immikkut ilisimasalik Ingeniørforeningenimi Danmarkimiittumi ilaasortaq.
Assi: Benita Marcussen
Naalakkersuisut siulittaasuat Jens-Frederik Nielsen naapertorlugu Qaqortumi umiarsualivimmik ullutsinnut naleqquttumik umiarsuarnik takornariartaatinut talittarfiusinnaasumik sivitsortumi kissaateqartoqarsimavoq.
- Naluneqanngitsutut Qaqortumi umiarsualiviup mikivallaarnera ajornartorsiutaangaatsiarsimavoq. Umiarsualivimmi pitsaasunik atortorissaaruteqarnissaq umiarsuarnut takornariartaatinut pingaaruteqarluinnarpoq, maannalu umiarsualivimmi atortorissaarutit pitsaasut naleqqullu sanaartorneqarnissaannut periarfissatsialaavoq, tamanna Sermitsiamut tunngavilersuutigineqarpoq.
Immikkut ilisimasalik itissusissaa pillugu
Umiarsuit imarsiornerlu pillugit immikkut ilisimasalik Hans Otto Holmegaard Kristensen Danmarkimi Ingeniørforeningenimeersoq naapertorlugu umiarsuarnik takornariartaatit itivallaanngitsumik timitaqaramik itinerusumut umiarsuarnut talittarfimmik pisariaqartitsivallaanngillat. Umiarsuilli assartuutit aatsitassanik assartuisartut umiarsuillu sorsuutit sakkutuullu umiarsuaat assartuutit pisariaqartitsipput.
– Umiarsuaq assartuut 20-22 meterisut ititigisukkoornissaminik pisariaqartitsivoq, umiarsuarli sorsuut sakkutuulluunniit umiarsuaat assartuut 15 meterisut ititigisukkoornissaminik pisariaqartitsivoq. Tamanna umiarsuarmik takornariartaatit, 8-10 meteriinnarnik pisariaqartitsisut, pisariaqartitaannit annertunerungaarpoq.
Aatsitassarsiorneq sakkutooqarnerlu
Umiarsuarnut talittarfissaq USA-p kissaatigisaanut ersiutaassasoq Peter Viggo Jakobsenip, Danmarkimi illersornissamut ilinniarfimi Institut for Strategi-mi lektoriusup, qularutiginngilaa.
Peter Viggo Jakobsen Danmarkimi illersornissamut ilinniarfimmi Institut for Strategi-mi lektoriuvoq.
Assi: Stine Bidstrup
– Amerikamiut umiarsuarnut talittarfeqarnissamik soqutiginninnerat takusinnaalluinnarpara. Tamannami Kalaallit Nunaata eqqaani, aammali Norgep avannaani Svalbardimilu sakkutooqarnerulernerannut attuumassuteqarpoq.
- Kalaallit Nunaata kujasinnerpaaffiani – Qaqortumi – inissikkuit, Kalaallit Nunaata sineriaani aqqut sorleq toqqassagaluarukkuluunniit aallaavissaqarputit.
– Kujataani aamma aatsitassaqarpat, taava tamanna iluaqutaaneruleriartussasoq erseqqippoq. Sakkutuunut atorneqarsinnaallunilu aatsitassanik umiarsuarmik assartuisinnaanermut periarfissaavoq. Marloqiusamik atorneqarsinnaallunilu Kalaallit Nunaanni inuussutissarsiornermik ineriartortitsinissamut periarfissaavoq, Peter Viggo Jakobsen oqarpoq.
