INI A/S-ip imeqarnermut siumoortumik akiliutit qaffannialerpai
Atuisut akiliutinut qaffasippallaamik tapiliuttariaqarnissaat pinngitsoortikkumallugu INI-miit aalajangiunneqarpoq imermut siumoortumik akiliutit imeqarfinni aalajangersimasuni 5%-ip missaanik 1. septembari 2024-miit atuutilertumik qaffanneqassasut. Januaarillu aallaqqaataani 2025-miit atuutilertummik aamma qaffaqqinneqassallutik.
Foto: Dorthea Reimer-Johansen
Innaallagiaqarnermut, imeqarnermut kiassarneqarnermullu akiliutit 1. juli 2024-miit atuutilertumik qaffanneqassasut Nukissiorfimmiit aalajangiunneqarmata, 1. januar 2025- miillu atuutilertussamik qaffaasoqaqqikkumaartoq ilimasaarutigineqarmat, INI naatsorsuutiginngisamik qaffasippallaartumik akiligassanik tapiliussisoqartariaqarnissaa pinngitsoortikkumallugu imeqarnermut siumoortumik akiliutit allatut ajornartumik qaffattariaqarpaat
- Naatsorsuutiginngisamik qaffasippallaartumik akiligassanik tapiliussisoqartariaqarnissaa pinngitsoortikkumallugu imeqarnermut siumoortumik akiliutit allatut ajornartumik qaffattariaqarpagut. Erseqqissaatigissavarpullu siumoortumik akilerneqartartut INI-mut akiliutaanngimmata, imeqarfinnulli ataasiakkaartunut aningaasartuutigineqartunut matussusiissutaasarlutik, INI-miit tusagassiuutitigut nalunaarummi oqaatigineqarpoq.
