Inissiamik attartornermut isumaqatigiissut siulleq inatsisinut naapertuuttunngortinneqartoq

Kommuneqarfik Sermersuumi kommunalbestyrelsip matoqqasumik ataatsimiinnermini ingerlatseqatigiiffimmut Inu:it Bolig A/S-imut Nuummi Kissarneqqortuunnguaq 8-mi inissianik 58-inik attartornissamut isumaqatigiissummut ilassummik akuersissuteqarpoq.

Taamaalilluni attartornissamut isumaqatigiissut kommunip attartornissamut isumaqatigiissutaanni siullersaalluni, pisortanit ineqarnermut taarsigassarsisitsisarnermi atorneqartoq, attartornermut peqqussummik Ineqarnermut Attaveqaqatigiinnermullu Naalakkersuisoqarfimmit suliarineqartumik nassuiaat naammassineqarpoq.

Kommuni juunip 15-ianni 2019-imi Inu:it A/S-imut attartornissamut isumaqatigiissuteqarpoq, tassani ukiumut ineqarnermut akiliutissaq 5.728.311 koruuniusussaq aalajangersarneqarluni, ukiumullu ineqarnermut akiliut 1,5 procentimik qaffanneqartassalluni. Tamatuma saniatigut kommuni Namminersorlutik Oqartussallu inissiarsuarnik sanaartornermut 88 millionit koruuninik akeqartumut ukiuni 20-ni erniaqanngitsunik akilersuinertaqanngitsunillu 23.786.740 koruuninik taarsigassarsisitsisoqarluni. Naalakkersuisoqarfiup attartornermut peqqussummik nassuia Attartornermut aaqqissuussinermut Naalakkersuisoqarfimmit nassuiaammi inissianut namminneq aningaasaliinerat qaffasissumik erniaqartinneqarpoq, tamannalu Inu:it A/S-imut iluaqusiilluni. Kommunip Kissarneqqortuunnguaq 8-mi inissianik attartornerminut akiliutaa aggustip aallaqqaataannit 7.141.000 koruuninut qaffanneqarpoq – tamanna inissianik attartornermut akiliinermit siullermit 2019-imeersumit 1.412.689 koruuninik qaffasinneruvoq. Isumaqatigiissulli nutaaq naapertorlugu ingerlatseqatigiiffiup inissianik attartornermut inatsisinik unioqqutitsisumut qaffariaatit katillugit 1.204.262 koruuniusut taarsersussavai.

Isumaqatigiissutip nutaap kinguneranik Inu:it A/S-ip pisortat inissiaataannik sanaartornissamut aningaasaliinissaminut atukkani attatiinnassavai.

Eqqartuussivimmut suliassanngortitsinerit imaaginnavissut

Kommuneqarfik Sermersooq aamma Nuuk City Invest ApS Nuummi Nuukullak 3-mi inissianik 73-inik attartornissamut isumaqatigiissummut tunngatillugu aaqqiissutissamik suli isumaqatigiissuteqanngillat.

Kommunip pisortanit ineqarnermut akilersuinissamut taarsigassarsiat 28.495.800 koruuniusut utertinneqarnissaat piumasaraa, tassa Nuuk City Investip ineqarnermut akiliutit appartinngippagit akiligassallu aalajangersimasut, inatsisinilli unioqqutitsinerusut akilinngippagit.

Nuuk City Invest tamatumunnga akissuteqarluni attartornermut isumaqatigiissut oktobarip 31-annit atuutilersumik atorunnaarsippaa.

– Kommunip Nuuk City Invest suli oqaloqatigaa, attartornermut isumaqatigiissutit inatsisinut naapertuuttumik aaqqiissutissarsisinnaanerivut takuniarlugu. Tamanna iluatsinngippat kommuni eqqartuussivimmut suliassanngortitsisariaqalersinnaavoq, isumaqarattami isumaqatigiissutinik taamaatitsineq tunngavissaqanngitsoq, kommunimi pisortaaneq Ole Jakobsen Sermitsiamut oqarpoq. Nuuk City Investip pisortaata Jackie Lyng-ip oqaloqatigiinneq pillugu oqaaseqarusunnani oqaatigaa. Tamatuma akerlianik aalajangiisoqarluni kommunip aamma ingerlatseqatigiiffiup aningaasaliisartup Sarfaarsuit ApS-ip aaqqiagiinngissutaat eqqartuussivimmi suliarineqassasoq.

Kommuneqarfik Sermersuup pisortanit ineqarnermut aningaasaliinissamut taarsigassarsiat 67.510.740 koruuniusut utertinneqarnissaat piumasaraa, tassa ingerlatseqatigiiffiup Manguaraq 35-mi 37-milu inissiarsuarni marlunni 132-nik inissiartalinni ineqarnermut akiliutit appartinngippagit, akiliutillu aalajangersimasut, inatsisinilli unioqqutitsilluni inissianut akiliutinik qaffaanerit, utertinngippagit.

Sarfaarsuit ApS tamatumunnga akissuteqarluni eqqartuussivimmut suliassanngortitsivoq, Kalaallit Nunaanni Eqqartuussivimmut nassiussaminik, tamatumani kommunip isumaqatigiissummik atuuttumik akuersinissaa illuatungeriinnullu pisussaaffiliisumik akuersinissaa piumasarineqarluni.