Innaallagiaarunneq: Nuummi timersortarfissuaq kialaarfiusoq - Tusass internetsimik qamitsigallarpoq

Nuummi illoqarfiup annersaani maanna nalunaaquttap akunnerini arfinillit sinnerlugit innaalagiaaruteqqavoq.

Silallu aqqaneq-marlunnik issinnerani angerlarsimaffiit arlallit kissartoqanngillat, taamaattumik Kommuneqarfik Sermersooq kialaarfissamik ammaavoq, Nuummi Timersortarfissuarmi ammaagamik.

Kommuni Facebookikkut ilisimatitsivoq:

- Innuttaasut angerlarsiffinni kiassarneqanngitsut ikiorniarlugit, Nuummi timersortarfissuaq ini kialaarfittut atorneqarsinnaalilerpoq. 

- Pisariaqartitsisut nal. 16.30-mit ornigussinnaanngussapput.

Nukissiorfiit Facebookikkut nalunaarput back-up aallartinniarlugu ulapaarlutik, innaallagiaqaqqilernissaq sulissitigalugu. Qaqugu innaallagiaqaqqilissanersoq ilisimaneqanngikkallarpoq.

Tusassip internet qamikkallarpaa

Innaallagiaarunneq Tusassimut aamma sunniuteqarpoq, innaallagiaqannginneq sivitsormat internetsit 4G aamma 5G qaminneqarallarput.

- Saarfaarunneq sivisunaarmat 4G aamma 5G qamittariaqarpagut sarfaq sipaartariaqaratsigu, sianerneq atorsinnaassagami piareersimanernerlu tapersertariaqarlugu, Tusass Facebookikkut allappoq nangillunilu:

- Taamaattumik privatimik suliffeqarfitullu atuisut misigisinnaavaat mobilikkut internetsikkullu attaveerullutik imaluunniitt killeqartumik attaveqartut. Sarfaqaqqikkutta neriorsuutigaarput atuisuuffiit tamarmik atoqqissinnaassasut.