RS Servicesip eqqartuussivimmut sassartinneqarneranut atatillugu arnaq AG-p oqaloqatigisaa, Royal Greenlandimi tunisassiorfimmi sulilertussaalluni isumaqarluni Kalaallit Nunaannut tikippoq. Filippinerini isumaqatigiissut atsiorpaa, tassani RS Servicesimi piginnittoq, Rhafaelle Martinsen, Royal Greenlandimi sulisussarsiornermik suliaqartutut allassimavoq. Isumaqatigiissutip atsiorneqarnera 10.000 koruuninik akeqarsimavoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
RS Servicesip eqqartuussivimmut sassartinneqarneranut atatillugu arnaq AG-p oqaloqatigisaa, Royal Greenlandimi tunisassiorfimmi sulilertussaalluni isumaqarluni Kalaallit Nunaannut tikippoq. Filippinerini isumaqatigiissut atsiorpaa, tassani RS Servicesimi piginnittoq, Rhafaelle Martinsen, Royal Greenlandimi sulisussarsiornermik suliaqartutut allassimavoq. Isumaqatigiissutip atsiorneqarnera 10.000 koruuninik akeqarsimavoq.
- Royal Greenlandip inuit inuunerannik sulinerannillu taama peqquserluttoqartarnera assuarilluinnarpaa. Erseqqissaatigissavarput Royal Greenland inummut SIK-mit unnerluutigineqartumut attuumassuteqanngimmat. Inuk taanna suleqatigisimanngisaannarlugulu suliffeqarfitsinni sulisorinikuunngisaannarparput, Royal Greenlandimi attaveqatigiinnermut pisortaq Merete Lindstrøm oqarpoq.
SIK-p siorna oktobarimi Royal Greenland isumaqatigiissut pillugu aperivaa. Allagartaq eqqunngitsoq Royal Greenlandip misissuinerata takutippaa. Pineqartoq Rhafaelle Martinsen Royal Greenlandimi sulisimanngisaannarpoq, peqquserlullunilu allagaasiorsimalluni Royal Greenlandimut nassuerpoq.
Royal Greenlandip tamanna suliffeqarfiup iluani eqqartorlugulu peqquserluttup Royal Greenlandip aqqa atorlugu filippinerinik sulisussarsiorsimasoq Kommuneqarfik Sermersooq kiisalu Nunani Tamalaani Sulisoqarnermik Akuutitsinermillu Aqutsisoqarfik, SIRI, ilisimatissimavai.
- Inuit suliffigissaarnissaminnik, toqqissisimanartumik pitsaasumillu suliffeqarnissaminnik kajumissaarlugit nunaminnit ungasissumut uupakaasillugit aallatinniarlugit atitta atornerlunneqarnera alianarpoq.Kangiani sumiiffinni assigiinngitsuni suliffeqarfittut tusaamaneqarluarlutalu ilisimaneqarluaratta Royal Greenlandip aqqanik atornerluisoqarsimasoq ilimagaarput.
Sulisugut toqqissisimanartunik pitsaasunillu atugassaqartinneqarput, sulisunillu nunanit allaneersunik sulilersitsiniarnermut atatillugu Royal Greenlandip aqqanik atornerluisoqarsimaneranik allanik ilisimasaqanngilagut, Merete Lindstrøm ilisimatitsivoq.
