Nunatta Naatsorsueqqissaartarfiata kisitsisaatai februar 2024-imeersut
naapertorlugit filippinerit 912-it thailandimiullu 349-t Kalaallit Nunaani
najugaqarput. Kiisalu 2024-mi qaammatini siullerni pingasuni Kalaallit Nunaanni
akissarsiaqarluni sulinermut siullermeertumik akuersissutit katillugit 224-it nunani
assigiinngitsuni 34-neersunut tunniunneqarsimasut, kangiamiut nunatsinnut
suliartortartut amerlassusaat pillugu Inatsisartunut ilaasortap Jens Napaattuup
paragraf 37 atorlugu apeqqutaanut Isumaginninnermut, Ilaqutariinnut,
Suliffeqarnermut Nunamullu Namminermut Naalakkersuisoq, Jess Svane, Siumut,
akissuteqarluni ilaatigut allappoq.
Nunattalu avataaniit suliartortunut tunngatillugu
inatsisit suli sukateriffiginiarneqartut, Naalakkersuisut ilanngullugu
paasissutissiipput.
Nunatta Naatsorsueqqissaartarfiata kisitsisaatai februar 2024-imeersut
naapertorlugit filippinerit 912-it thailandimiullu 349-t Kalaallit Nunaani
najugaqarput. Kiisalu 2024-mi qaammatini siullerni pingasuni Kalaallit Nunaanni
akissarsiaqarluni sulinermut siullermeertumik akuersissutit katillugit 224-it nunani
assigiinngitsuni 34-neersunut tunniunneqarsimasut, kangiamiut nunatsinnut
suliartortartut amerlassusaat pillugu Inatsisartunut ilaasortap Jens Napaattuup
paragraf 37 atorlugu apeqqutaanut Isumaginninnermut, Ilaqutariinnut,
Suliffeqarnermut Nunamullu Namminermut Naalakkersuisoq, Jess Svane, Siumut,
akissuteqarluni ilaatigut allappoq.
FILIPIINERIT THAILANDIMIULLU KALAALLIT NUNAANNI
Nunatta Naatsorsueqqissaartarfiata kisitsisaatai februar
2024-meertut naapertorlugit filippinerit 912-it nunatsinni najugaqarput.
Suiaassuseq malillugu Filippinerit agguataarneri:
- Angutit 514
- Arnat 407
- Katillugit 912
- 912-init 18-it inorlugit ukiullit 107-iupput.
Nunatta Naatsorsueqqissaartarfiata kisitsisaatai februar
2024-meertut naapertorlugit thailandimiut 349-it nunatsinni najugaqarput.
Suiaassuseq malillugu Thailandimiut agguataarneri:
- Angutit 164
- Arnat 185
- Katillugit 349
- 349-nit 18-it inorlugit ukiullit 19-iupput.
Najoqqutaq:
Naatsorsueqqissaartarfik
Nunattalu avataaniit suliartortunut tunngatillugu
inatsisit suli sukateriffiginiarneqartut, Naalakkersuisut ilanngullugu
paasissutissiipput.
Nunaqavissut nunatta avataaneersuniit suliffissanik
ingiarsimaneqarnerat annertuallaalersimasoq, Jens Napaattooq isumaqarpoq.
Nakkutilliineq
Nunani allaniit nunatsinnut suliartortut unnuisarfinni
neriniartarfinni, eqqiaanermik suliffeqarfinni, sanaartornerup iluani,
llulissani, Nuummi Qaqortumilu mittarfissualiorfinni, aalisakkerivinni,
pisiniarfinni kiffartuussivinnilu assigiinngitsuni sulisuupput, taakkunanngalu
nakkutilliineq illoqarfimmi Majoriap, lsumaginninnermut, llaqutariinnut,
Suliffeqarnermut Nunamullu Namminermut Naalakkersuisoqarfiup, Politiit kiisalu
Akileraartarnermut Aqutsisoqarfiup akornanni suleqatigiilluni ingerlanneqarpoq.
Nakkutilliisussaatitaasut oqartussaasunit qulaani pineqartuniit toqqagaasut
najugaqarnermut sulinermullu akuersissutit pillugit suliffeqarfinnut
ornigullutik misissortarpaat, nakkutilliinermilu danskit nunani allamiut
pillugit inatsisaat aamma Kalaallit Nunaannut suliffissarsiortut
killilersimaarnissaat pillugu Inatsisartut inatsisaat tunngavigineqartarput. Sulisinnaasut
Kalaallit Nunaanniittut suliffissanut nunatsinniittunut siulliusussaatitaanerat
inatsisip kingulliup ilaatigut qulakkiigassaraa.
Akuersissutit piumasaqaatillu nutaat
Suliffeqarfinni assigiinngitsuni kangiamiunik
sulisoqarnerup naliginnaajartuinnannginnissaa qulakkeerniarlugu Naalakkersuisut
qanoq suliniuteqarnersut pillugu Jens Napaattuup paaserusuppaa.
Kalaallit Nunaannut suliffissarsiortut
killilersimaarnissaat pillugu lnatsisartut inatsisaat naapertorlugu
sulisitsisoq nunatta avataaneersumik atorfinitsitsissaguni, kommunimi Majoriaq
aqqutigalugu kommunalbestyrelsimut akuersissummik qinuteqaqqaassaaq,
akuersissullu taamaallaat piffissami killilimmi sivisunerpaamik ukiuni marlunni
atuuttussanngorlugu tunniunneqarsinnaavoq, Naalakkersuisut akissuteqarlutik
allapput.
Nunatta avataaniit suliartortumut ilaqutaasunut
piumasaqaatit sakkortusineqarnissaat siunertaralugu Naalakkersuisut inatsimmik
allannguutissatut siunnersuummik nutaamik maannakkut suliaqarput, taamaalilluni
taakku nunatsinni sulisinnaalissagunik kommunimut akuersissummik
qinnuteqaqqaartariaqartut inatsisissatut alluunngutissami
piumasarineqartalissaaq.
Nunatta avataaneersut sulilersinneqannginnerini
sulisussat Kalaallit Nunaanneersut atorfimmut qinnuteqarnissamut
periarfissinneqartarnissaat inatsisissamik sukaterinikkut
qulakkeerniarneqarpoq, taannalu lnatsisartut ukiakkut ataatsimiinneranni
saqqummiunneqarnissaa pilersaarutaavoq.
Misilittakkat pitsaasut
Ilulissani World of Greenlandimi Hotel Arcticimilu
pisortaagallartoq Morten Nielsen naapertorlugu Hotel Arctimi kangiamiut
Europameersullu agguaqatigiisillugu qulit missaat sulisorineqartarput,
tassangalu nunaqavissunik sulisussanik pissarsisinnaannginnerminnik
peqquteqartoq, mittarfissuarlu 2026-imi atulerpat pisariaqartitsineq suli
annertunerulissasoq, taassuma oqaatigaa. Taakkulu pitsaasumik
misilittagaqarfigineqarput.
- Suliffitik paarilluartarpaat tatiginartuullutillu
naliginnaasumiillu sivisunerulaartumillu sulinissartik ajorineq ajorpaat,
taanna oqarpoq.
Nunatta avataaneersut akissaasersorneqarnerat
eqqarsaatigalugu Hotel Arctic Sulinermik Inuussutissarsiutillit Kattuffianik,
SIK-mik, isumaqatigiissuteqarpoq.
Akuersaarneqarsinnaanngitsoq
Kalaallit Nunaani suliffeqarfinni nunaqavissut
suliffigisinnaasaraluini kangiamiut amerliartuinnartut sulilersinneqartartut,
nunattalu avataaniit sulisussarsiorneq atornerlunneqartalersimasoq,
Inatsisartunut ilaasortaq Jens Napaattooq isumaqarpoq.
- Kangiamiut atorfinni qaffakkiartortinneqartarput,
taamaaliornikkullu nunaqavissut atorfinnik akisussaaffeqarnerusunik
tigusiartuaarnissaannut taakku ingiaasunngortinneqartarput, tamannalu
akuersaarneqarsinnaanngilaq, taanna oqarpoq.
Suliffeqarfinni kalaallit sallerpaatillugit
sulisorineqarnissaat qulakkeerniarlugu pikkorissaanerit ilinniartitsinerillu
maannakkorniit annertunerujussuarmik pisortat ukkatarisariaqaraat,
Inatsisartunut ilaasortaq isumaqarpoq.
