KNAPK-mi siulittaasup tullia nutaaq toqqarneqarpoq
KNAPK-p siulersuisuuneri ullumi tallimanngornermi ulloq 26. juli 2024-mi Niels Lorentzen siulittaasup tulliatut toqqarpaat, taannalu ataatsimiinnermi qinersinikkut qinerneqarluni. Taamaasilluni Aslak V. Jensenip marsimi 2024-mi KNAPK-miit tunuartinneqarnerata kingorna inissisimaffik inuttalerneqarpoq.
Aslak V. Jensenip taartissaa nassaarineqarpoq.
Niels Lorentzen maanna KNAPK-mi siulittaasup tulliatut inissippoq. er nu næstformand for KNAPK.
Siulersuisuunerit ullumi inissititerlutik ataatsimiittut, KNAPK nalunaarpoq.
- Nuannaarutigaara KNAPK-mi Siulersuisuunerni siulittaasup tulliatut inissisimaffik pillugu toqqaasoqarmat, taamaasillunilu eqqissilluni nalornisuerullunilu sulisoqarsinnaalerluni. Niels Lorentzen ukiorpassuarni KNAPK-p Siulersuisuunerini suleqataasarpoq, aamma Siulersuisuunerit misilittagaqarluartumik suleqateqarput, tamannalu KNAPK-tut ittumi kattuffimmi pisariaqartinneqarpoq, KNAPK-p siulittaasua Nikkulaat Jeremiassen oqarpoq nangillunilu:
- Siulersuisuunernut ilaasortatut nutaatut inissippoq 59-inik ukiulik aalisartoq piniartorlu Knud Mølgaard Sisimiuneersoq, taanna Siulersuisuunernut sinniisussatut iserpoq. Taanna Qeqertarsuarmi inunngorpoq, kisianni ukiut 46-it sinnerlugit Sisimiuni najugaqarluni. KNAPK-p Piniarnermut Siunnersuisoqatigiivini ilaasortaavoq.
69-inik ukiulik Niels Lorentzen Imarsiornermut Ilinniarfimmi ilinniartitsisutut soraarneruvoq, tassanilu qanittoq tikillugu tullersortitut ilinniartitsisutullu Paamiuni atorfeqarnikuuvoq. Taanna aalisariutini naalakkatut 1. grad ilinniagaqarpoq. Aamma KNAPK-p Saattussanut Siunnersuisoqatigiivini siulittaavoq. Siusinnerusukkut aalisariutini naalakkatut, umiarsuarmi piginnittutut aamma ukiut 40-it sinnerlugit aalisartutut misilittagaqarpoq. 1973-miit KGH-p aalisariutaani inuttaasalernikuuvoq.
KNAPK tusagassiorfinnut ullaaq ilisimatitsivoq kattuffiup aningaasaqarnera pillugu inatsisilerisuunik misissuititsisoqartoq, aningaasaqarnikkut peqquserluttoqarsimasinnaanera pasilliutigineqarmat.
