Juunip 25-ani 2024-mi Inatsisartut aningaasaqarnermut ataatsimiititaliaata Kalaallit Nunaanni Qimussertartut Kattuffiannut 1 million koruunit sinnerlugit immikkut ittumik aningaaliisoqarnissaanik Naalakkersuisut qinnuteqaataat itigartippaat. Aningaasat qinnutigineqartut 2025-imi qimussertartunut unammersuartitsinermut atorneqartussaagaluarput.
- Naalakkersuisut akissuteqaatitsinni allannitsitut, Avannaata Qimussersuata ingerlanneqarnera aningaasaqarnermut ataatsimiititaliap tungaanit kulturikkut kivitsisuummat tapersersorneqartariaqarluinnartutut isigigalutigu naqissuserparput. Kisianni Naalakkersuisut qinnuteqaammut atatillugu naammaginartumik naatsorsuutinik saqqummiussinngillat, taamaattumik aalajangiinissamut tunngavissaqanngimmat, allatut iliorsinnaannginnatta qinnutigineqartunut nassuiaatit, naatsorsuutit uppernarsaatillu amigaateqarmata aningaasanik qinnutigineqartunik tunniussisoqarsinnaanngitsoq.
Juunip 25-ani 2024-mi Inatsisartut aningaasaqarnermut ataatsimiititaliaata Kalaallit Nunaanni Qimussertartut Kattuffiannut 1 million koruunit sinnerlugit immikkut ittumik aningaaliisoqarnissaanik Naalakkersuisut qinnuteqaataat itigartippaat. Aningaasat qinnutigineqartut 2025-imi qimussertartunut unammersuartitsinermut atorneqartussaagaluarput.
SIUNNERSUISOQATIGIINNUT, ATAATSIMIITITALIANUT PEQATIGIIFFINNULLU IL.IL. TAPIISSUTIT PILLUGIT MISSINGERSUUSIORNERMI MALITTARISASSAT
Naalakkersuisunut ilaasortap akisussaasup siunnersuisoqatigiit, ataatsimiititaliat peqatigiiffiillu
il.il. aningaasaliissutinut inatsisitigut Inatsisartunit aningaasanik tapiiffigineqartartut, aningaasa-
liissuteqassagaanni pisariaqartitat malillugit tapiissutinik atuinissaat qulakkiissavaa.
Naalakkersuisoqarfik akisussaasoq ukiup tulliani kingusinnerpaamik julip aallaqqaataani nalunaarummik tigusaqassaaq. Nalunaarummiissapput ukioq qaangiuttoq pillugu nalunaarut naatsorsuutillu kiisalu ukiumut ingerlasumut missingersuutit. 300.000 kr.-it sinnerlugit aningaasaliissutit eqqarsaatigalugit nalunaarut aamma ingerlatanut kisitsisinik/kisitsisitigut paasissutissanik kiisalu anguniakkamik suliassanullu pilersaarummik imaqassaaq.
- Naalakkersuisut akissuteqaatitsinni allannitsitut, Avannaata Qimussersuata ingerlanneqarnera aningaasaqarnermut ataatsimiititaliap tungaanit kulturikkut kivitsisuummat tapersersorneqartariaqarluinnartutut isigigalutigu naqissuserparput. Kisianni Naalakkersuisut qinnuteqaammut atatillugu naammaginartumik naatsorsuutinik saqqummiussinngillat, taamaattumik aalajangiinissamut tunngavissaqanngimmat, allatut iliorsinnaannginnatta qinnutigineqartunut nassuiaatit, naatsorsuutit uppernarsaatillu amigaateqarmata aningaasanik qinnutigineqartunik tunniussisoqarsinnaanngitsoq.
- Naalakkersuisut qinnuigaavut naatsorsuutit amigaatigineqartut nassiuteqqullugit, qinnuteqaatip suliarineqarnerata nanginneqarnissaa siunertaralugu, taamanikkut Inatsisartuni Aningaasaqarnermut Ataatsimiititaliap siulittaasua Asii Chemnitz Narup Sermitsiamut oqarpoq.
Tamatumali kinguninngua Asii Chemnitz Narup politikkikkut sulinerminik unitsitsivoq septembarip 23-ani 2024-mi, suli Naalakkersuisut, tassa ilinniartitaanermut, kulturimut, timersornermut ilagiinnullu immikkoortortaqarfimmit, akissuteqarsimanngitsut, taamaattumik qimussertartut kattuffiat 1 million koruunit sinnerlugit aningaasaliissutinik pissarsinngilaq.
Aammattaaq 2024-mi unammersuarnissamut atatillugu immikkut aningaasaliissutinik pissarsivoq
Aamma 2024-mi qimussertartut unammersuarnerannut atatillugu KNQK aningaasaliissutinik amerlanerusunik pissarsivoq, ukiumut aningaasanut inatsimmiit 1,8 millionit koruuninik pissarsereernerup saniatigut, taamaalilluni 2024-mi unammersuarnermut atatillugu katillugit 2,5 millionit koruuninik pissarsilluni.
Ilinniartitaanermut, Kulturimut, Timersornermut Ilageeqarnermullu Naalakkersuisoqarfik, akisussaaffimmik tigumminnittuuvoq, taannalu qulakkeerinnittussaavoq, kikkulluunniit nunatta karsianit tapiiffigineqartut naammaginartumik naatsorsuusiorlutik uppernarsaatinillu attuumassuteqartunik tunniussisarnissaannut, pineqartut nangittumik nunatta karsianit tapiissutisisassappata, tamannami missingersuusiornermi malittarisassat naapertorlugit pisussaavoq.
Avannaata Qimussersuanut tapersersuineq ikorfartuinerlu naammappa?
Avannaata Qimussersua tassaammat kulturikkut pingaarutilik ukiumoortumillu pisartoq, aammalu politikerit tamarmik tapersersornerartagaat, pasitsannarpoq kattuffiat aaqqissuisuusartoq arlaatigut ikiorneqartariaqartoq, kattuffik aningaasanut inatsimmi malittarisassanik naammassinnissinnaanngorlugu, aammalu tapiiffigineqarnissamut piumasaqaatit naammassineqarsinnaaqqullugit, soorlu silap pissusaanik unammilligassat kattuffiup ukiuni kingullerni misigisai pissutigalugit.
Sermitsiamiit politikerinik oqaaseqartitsiniarneq ajornarpoq, Naalakkersuisut suli inissinneqanngimmata, aammalu Naalakkersuisuugallartut taamaallaat suliassanut pinasuartumik naammassineqartariaqartunut iliuuseqarsinnaammata. Taamaattoq aamma Sermitsiami siusinnerusukkut allaaserineqareersutut, qimussertartut kattuffiat qinersinissamut atatillugu atuuttumik Naalakkersuisunut atuukkallartunut tapiiffigineqarnissaminnik kimigiisersimagaluarput.
Sermitsiaq ulluni makkunani kattuffiup ataatsimeersuarnerani najuuttarpoq, kisianni ukiumi qaangiuttumi naatsorsuutit pissarsiarinissaannik kattuffiup aningaasaqarnera sukumiinerusumik paasisaqarfiginiarlugu.
Maanna ersarissumik takussutissaqarpoq, Avannaata Qimussersua pisortanit pisariaqartumik tapersersorneqarnissaa qulakkeerniarlugu ersarissunik aalajangersimasunillu malittarisassaqarnissaq pisariaqartinneqartoq, taamaalilluni aaqqissuussisut allatut iliorsinnaajunnaarlutik politikkikkut siunertalinnut pituttorniarneqarsinnaanerat ingalassimatinniarneqarsinnaammat.
