Siumut aamma Inuit Ataqatigiit
Kommuneqarfik Sermersuup kommunalbestyrelsiani amerlaqatigiinnik,
tassa tamarmik immikkut arfineq-marlunnik ilaasortaatitaqalerput.
Siumumeersoq Martha Abelsen 713-init taaguunneqarnerpaalluni
qinigaavoq, ilumulli borgmesterinngussanersoq suli nalunarluni.
- Ajunngilanga. Qinersisimma amerlassusaat allannguisoqartariaqarneranik kissaateqarnerannik ersersitsisuupput. Tamanna erseqqippoq, avaqqunneqarsinnaananilu. Partiit allat taaguunneqarnivut aallaavigalugit ullumi (pingasunngornermi) oqaloqatigissavagut. Qinersisartut ersarissumik oqariartuuteqarnerat nuannaarutigeqaara, Martha Abelsen (S) kommunimut qinersisoqarnerata aqaguani oqarpoq.
Siumut aamma Inuit Ataqatigiit
Kommuneqarfik Sermersuup kommunalbestyrelsiani amerlaqatigiinnik,
tassa tamarmik immikkut arfineq-marlunnik ilaasortaatitaqalerput.
Siumumeersoq Martha Abelsen 713-init taaguunneqarnerpaalluni
qinigaavoq, ilumulli borgmesterinngussanersoq suli nalunarluni.
- Ajunngilanga. Qinersisimma amerlassusaat allannguisoqartariaqarneranik kissaateqarnerannik ersersitsisuupput. Tamanna erseqqippoq, avaqqunneqarsinnaananilu. Partiit allat taaguunneqarnivut aallaavigalugit ullumi (pingasunngornermi) oqaloqatigissavagut. Qinersisartut ersarissumik oqariartuuteqarnerat nuannaarutigeqaara, Martha Abelsen (S) kommunimut qinersisoqarnerata aqaguani oqarpoq.
Allannguisoqarnissaa
qinersisartut kissaatigaat, Martha Abelsenilli ilumut
borgmesterinngussanerluni suli qulakkiinngilaa.
- Suut tamarmik suli qulakkeerneqanngillat. Kommunalbestyrelsemut isertuusugut 19-iulluta ullumikkut naapilluta ammasumik siullermeerluta isummersoqatigiissaagut. Partiit sorliit suleqatiginissaannik eqqarsaatersuuteqareernikuunngilanga, ullumili ataatsimeeqatigereerutta qanoq iliorluta angusaqarluarnerusinnaanissarput isumaliutigissavarput, Martha Abelsen oqarpoq.
Inuit
Ataqatigiit qinigaanerpaasut
Tassa Siumumeersoq Martha Abelsen qinigaanerpaavoq, Inuit
Ataqatigiillu siuliani qinersinerminngarnit 9 procentit missaannik
kinguariaateqaraluarlutik katillutik 2.754-init taaguunneqarlutik
qinigaanerpaapput. Tassa Siumukkormiuninngarnit 2.427-nit
taaguunneqartuusuninngarnit 327-nik taaguunneqarnerullutik
qinigaanerpaapput.
Maannamut
borgmesteriusoq Avaaraq Olsen (IA) taaguunneqarnerpaasunut
ilaassangasuusoq ullup qinersivissatta nallernissaanut
qilanaarsimavoq.
- Qinersineq qanoq inerneqassanersoq soorunami pissangatigaara, borgmesteriuinnarnissaralu soorunami aamma neriuutigalugu, Avaaraq Olsen Sermitsiamut oqarpoq.
Kommuneqarfik
Sermersuumi meeqqat inuusuttullu atugaannik pitsanngorsaanissaq
inuussutissarsiortullu nassuitsumik politikkeqalernissaat
taperserlugit taassuma qineqqusaarutigai.
Taanna
kommunalbestyrelsemi ukiuni kingullerni marlunni qaammatinilu
arfinilinni sulinermi pisariillisaaneq tatiginnilersitseqqinnerlu
siuttuuffigisimagini isumaqarpoq misigisimallunilu kommuni nukittooq,
patajaatsoq aalaakkaasorlu tunniukkini.
- Ukiuni kingullerni marlunni aningaasaqarnikkut unammilligassat annersaat qaangerpagut ingerlallualerlutali. Kommuni aalaakkaasunngortipparput, aammalu kommunitsinni inoqarfinnut akisussaaffinnik nussuineq ingerlassimavarput, taamaalillutik innuttaasut sumiiffimminni annertunerusumik oqaasissaqarlutillu aalajangiisinnaassuseqalernikuupput, namminneq pisariaqartitatik pillugu iliuuseqarsinnaanerulersimallutik, Avaaraq Olsen oqarpoq.
Siuttunngortitsisussagunavittut
Kommuneqarfik Sermersuumi borgmesterinngortitsisinnaanissamut
qulinit ikinnerunngitsunik qinigaatitaqartariaqarpoq. Tassa
Siumukkormiut arfineq-marlunnik qinigaatitaqartuusut imaluunniit
Inuit Ataqatigiit arfineq-marlunnik aamma qinigaatitaqartuusut
Demokraatit sisamanik qinigaatitaqartuusut oqaloqatiginerisigut
kommunalbestyrelsemi amerlanerussuteqalersinnaapput.
Demokraatit
Kommuneqarfik Sermersuumut qinersinermi siuariaateqangaatsiarput,
tassa 12 procentimik, Demokraatineersormi Poul Petersen 537-nit
taaguunneqarluni parteeqatini pingasut allat qinigaaqatigai. Tassa
Siumukkormiut imaluunniit Inuit Ataqatigiit
borgmesterinngortitsinissaannik taamaalillutik
qilanaarisooqataasussaassallutik.
Naleqqameersuni
kisiartaalluni qinigaasoq, Aputsiaq Inuk Petersen, Nuummi
qineqqusaarnerni malunnaateqarluavippoq, taassumalu politikkikkut
anguniakki tassaalluni inuuniarnikkut ajornartorsiutillit atugaannik
pitsanngorsaanissaq. Naleqqameersuni kisiartaalluni qinigaanini
pissutigalugu Siumukkormiut imaluunniit Inuit Ataqatigiinneersut
borgmesterinngortitsinissaannik qularnaarisooqataasinnaanngilaq,
partiilli suleqatigiilersussat amerlanerussuteqarnissaannut
sunniuteqaratarsinnaalluni.
