Løkke Trumpilu assammipput – Kalaallit Nunaat eqqaaneqanngilaq
Lars Løkke Rasmussenip aamma Troels Lund Poulsenip USA-p præsidentia NATO-p ataatsimeersuarnerani Haagimi naapippaat.
Løkkep siunnersortaa, Hollandimeeqataasoq naapertorlugu, Løkke Trumpilu imminnut kingullermik naapissimanertik eqqartorpaat. Tamanna 2018-imi pivoq.
Assiliisoq: Pontus Lundahl/TT/Ritzau Scanpix
Nunanut Allanut Ministeri Lars Løkke Rasmussenip (M) USA-p præsidentia, Donald Trump, pingasunngornermi naapippaa assammillugulu, illersornissamut suleqatigiit Nato-p ataatsimeersuarnerani Haag-imi.
Assini arlalinni takuneqarsinnaavoq ataatsimeersuarnerup nalaani, tassanittaaq nunat NATO-mut ilaasortat pilersaarutit naapertorlugit nunat aningaasatigut kaaviiaartitaasa fem procentii illersornissamut atorneqassasut nalunaaruteqassangatinneqarput.
Aammattaaq illersornissamut ministeri Troels Lund Poulsen (V) Trumpimik naapitsivoq. Venstre-p siulittaasuata aatsaavissuaq Trump naapippaa.
Kalaallit Nunaat eqqartorneqanngilaq
Løkkep siunnersortaa naapertorlugu, Hollandimi peqataasoq naapertorlugu, Løkke Trumpilu imminnut kingullermik naapinnertik eqqartorpaat. Taanna 2018-imi pivoq.
Løkkep Trumpimut oqaatigaa, Danmarkip illersornissamut aningaasartuutini, kingullermik naapinnerminnut sanilliullugu annertusisimasut.
Taamaakkaluartoq Løkke Trumpilu Kalaallit Nunaat eqqartunngikkaat siunnersortip oqaatigaa. Oqaluuserineqarnissaa ilimagineqarsinnaagaluarpoq, Trumpip Kalaallit Nunaat USA-mut ilanngunneqarnissaa assut kissaatigisimagamiuk.
Trumpip aamma sakkutooqarnikkut pissaaneqarnerup atorneqarnissaa itigartissinnaannginnerarnikuuaa. Tamanna Danmarkimi naalakkersuisunit arlaleriarluni isornartorsiorneqarpoq.
Frederiksenip Trumpimik naapinnissaq pilersaarutiginngilaa
Lund Poulsenip Trumpimik oqaloqatiginninnini oqaluttuarerusunngilaa.
Aamma ministeriuneq Mette Frederiksen (S) Nato-p ataatsimeersuarnerani peqataavoq. Pingasunngornermi siusinnerusukkut nikussutiinnarlugu tusagassiortunik katersortitsinermi apeqqarissaarfigineqarpoq, tassanilu aperineqarpoq Kalallit Nunaannut tunngasut eqqartorneqassanersut.
- Toqqaannartumik ataatsimiinnissaq pilersaarusiornikuunngilarput (Trump peqatigalugu, aaqq.) Nato-mi siuttut tamaasa ataatsimoortumik ataatsimeeqatigissavagut, taanna oqarpoq.
Siusinnerusukkut Ritzau-mit apersorneqarnermini Mette Frederiksen-ip oqaatigaa, Trumpilu akunnerminni atassuteqaqatigiinnertik ullumikkut unammillernartoqartoq, siusinnerusukkulli oqaatigisimagaluarlugu Amerikami præsidentimik atassuteqarnini pitsaasuusoq.
- Isumaqatigiinngissuteqarpugut sakkortuumik tunngaviusumillu, Nato-p ataatsimeersuarneranut iseriartunnginnermini ministeriuneq naatsumik oqarpoq.
/ritzau/
