Meeqqerivik Tikiusaami aqutsisoq: Nunanit allaneersunik sulisoqarluni ajunngitsortaqarpoq illuatungeqarlunilu
Meeqqerivik Tikiusaaq Nuummiittoq kangiamiumik sulisoqarpoq. Aalajaannermik pilersitsisoq, aallaqqaammulli oqaatsitsigut unammillernarsimasoq, Meeqqerivimmi aqutsisup, Elisabeth Sikemsenip oqaluttuaraa. Taannalu isumaqarpoq nunanit allaneersut amerlasuut meeqqerivinni sulilerpata meeqqanut peqqinnarpallaarnavianngitsoq.
Foto: Kommuneqarfik Sermersooq
Meeqqerivik Tikiusaami Nuummiittumi meeqqat ullaap tungaani inersuarmi ataatsimoorlutik pinnguarlutik arpasaqattaarput. Angajoqqaat suliartunngilaattaa meeqqaminnik meeqqanukaassipput, meeqqallu sulisuniit isumagineqarput.
Ullaap tungaanili ulapaarnerup nalaani immikkut ittoqarpoq - kangiamioq sulivoq, qaammatillu arlallit sulisimalereerluni.
- Sulisussaaleqigatta, Elisabeth Sikensen, Meeqqerivimmi Tikiusaami aqutsisoq oqarpoq.
- Kangiamioq suliffissarsiorami, siullermik taartitut sulivoq. Kisianni paasivarput meeqqanut immikkut pisariaqartitsisunut misilittagaqarluartoq.
Oqaluttualli tunuani unammillernartoqarpoq - naleqqussarneq kulturikkullu avitseqatigiinneq.
Elisabeth Sikemsenip unneqqarilluni oqaluttuaraa nunanit allaneersumik suleqateqalerneq unammillernaqqaarsimasoq.
- Aallaqqaammut oqaatsit unamminarsimapput, nassuiaavoq nangillunilu.
- Suleqatigut kalaallit arlallit tuluttoorsinnaanngillat, taamaattumik imminnut paaseqatigiinniarlutik piffissarujussuaq atortariaqarsimavaat. Kulturi oqaatsillu assigiinnginnerat tamatta sungiunniaqqaarparput.
Naleqqussarniarneq piffissartornarpoq
Naak aallaqqaammut unamminarsimagaluartoq, sulisut naleqqussarsinnaasimapput. Elisabeth Sikemsenip oqalutturaa kangiamioq kalaallillu suleqataasut imminnut paaseqatigiinniarlutik assut sulisimasut.
- Suleqatitaarput kalaallisut ilikkarusulluni assut sukataarpoq, immitsinnut ilinniarfigingaatsiarpugut. Maannakkut suleqatigiilluaqaagut.
- Sulisunik suli amigaateqarpugut
Naak nunanit allameersumik suleqatitaarneq iluatsilluaraluartoq, suli sulisut aalajaatsut amigaataapput. Suli sulisussaaleqisoqarpoq, nunaniilli allaneersunik atorfinitsitsinissaq mianeersuuppaat.
- Nunanit allaneersunik sulisoqalernissaq ussernartorsiornaraluartoq, kisianni meeqqerivimmut peqqinnarnavianngilaq, Elisabeth Sikemsen unneqqarilluni oqaluttuarpoq.
- Kalaallit sulisut attaveqaqatigiinnermut ilinniartitsinermut piffissarujussuaq atortariaqassavaat, tamannalu meeqqanut sunniuteqassaaq. Meeqqat isumassornissaanut ukkataqartussaavugut, ajornassaarlu piffissarujussuaq nukiillu sulisunut nutaanut naleqqussaaniarsarissagutta.
- Meeqqerivimmi sulineq suliffiinnaanngilaq, aamma isumassuinissamut piffissaq atorneqartarpoq, Elisabeth Sikemsen, Meeqqerivik Tikiusaami Nuummiittumi aqutsisoq naggasiivoq.
