Mette F.: USA-mit Kalaallit Nunaanni sunniiniarneq erseqqissumik ilumuunnginnerarneqannginnera ilungersunarpoq

AAMMA ATUARUK

Tusagassiorfik: Amerikamiut Kalaallit Nunaannut isertortumik sunniiniarsaripput – Løkkep aallartitaagallartoq oqaloqatigiumagaa

Amerikamiut minnerpaamik pingasut Kalaallit Nunaanni sunniiniarsimasut DR-imit allaaserineqarpoq. Pisoq ministeriunerup Mette Frederiksenip (S) "ilungersunartutut" isigaa.

- Kunngeqarfiup Danmarkip iluani pissutsinut Kalaallit Nunaannilu tamat oqartussaanerannut akuliunnerit tamarmik akuerineqarsinnaanngillat, Mette Frederiksen DR-imut oqarpoq.

- DR-ip ullumikkut saqqummiussinnaani Amerikamiut taamatut pisoqarsimanera erseqqissumik ilumuunnginnerarsimanngikkaat maluginiarpara. Taamaattoqarnera soorunami ilungersunarpoq.

Oqariartuut "USA-mi suleqatitsinnut toqqaannartumik ingerlateqqinneqassasoq" ministeriuneq DR-imut aamma oqarpoq.

Senatemiittut oqaloqatigigai

Angutit USA-p præsidentianut Donald Trumpimut attuumassuteqartut Kalaallit Nunaanni isertortumik sunniiniartut DR-ip tusagassiortut tusarfiit kinaassutsiminnik isertuussisut arlallit tunngavigalugit pingasunngornermi oqaluttuaraa. Trumpip Kalaallit Nunaat USA-mut ilanngutsikkusullugu sivitsortumik kissaatigaa.

Angutit namminneq piumassutsiminnik sulinersut DR-ip paasinngilaa.

Mette Frederiksen USA-mi senatimiit tamanna pillugu oqaloqateqarsimalluni DR-imut pingasunngornermi oqarpoq.

- Akuerineqarsinnaanngitsoq erseqqissumik oqaatigivarput, Mette Frederiksen oqarpoq.

Senatimeersut kikkut qassilluunniit ataatsimeeqatiginerai paasissutissiissutigineqanngilaq. Qangalili pilersaarutaareersumik tikeraarput, taamaattumik pisoq aalajangersimasoq pillugu Danmarkimiigatik.

Illersornissamut ministeri Troels Lund Poulsen (V) senatorit pingasunngornermi kingusinnerusukkut aamma oqaloqatigissavai.

- Apeqqut sammineqassaaq. Danmark USA-mik qanimut suleqateqartoq, aammalu Danmarkip kunngeqarfia ataqqineqassasoq naatsorsuutigalugu oqaatigissavara, Jyllands-Postenimut oqarpoq.

/ritzau/