Mette F.: USA-mit Kalaallit Nunaannut tikeraartoqarnissaa tatisiniarneruvoq akuerineqarsinnaanngitsoq
Maannakkut pissutsit atuuttut eqqarsaatigalugit USA-mit tikeraartoqarnissaa Kalaallit Nunaata kissaatiginagulu pisariaqartinngilaa, Mette Frederiksen oqarpoq.
- Kalaallit Nunaata pisariaqartitai nunanillu allanit tikeraartoqarnissaanik kissaatai tikeraarnermi matumani sammineqanngillat, Mette Frederiksen USA-p Kalaallit Nunaannut tikeraarnissaa sioqqullugu oqarpoq. (Assit toqqorsivimmit)
Assi: John Thys/AFP/Ritzau Scanpix
USA-p sapaatip akunnerata naanerani aallartitanik tikeraartitsiniarnera Kalaallit Nunaat Danmarkilu “akuersaarneqarsinnaanngitsumik tatiniarneqarput”.
Ministeriuneq Mette Frederiksen (S) DR-imut TV 2-mullu sisamanngornermi tikeraartoqarnissaa pillugu oqarpoq.
- Kalaallit Nunaata pisariaqartitai nunanillu allanit tikeraartoqarnissaanik kissaatai tikeraarnermi matumani sammineqanngillat, oqarpoq.
- Taamaattumik oqartariaqarpunga Kalaallit Nunaat Danmarkilu pissutsini makkunani akuerineqarsinnaanngitsumik tatiniarneqarput, tamannalu akiortariaqarparput.
USA-mi aallartitat tassaapput USA-mi præsidentip tulliata nulia Usha Vance, USA-mi nunap sillimaniarneranut siunnersortaa Mike Waltz aamma nukissiornermut ministeri Chris Wright.
USA-p præsidentiata Donald Trumpip arlaleriarluni Kalaallit Nunaat akisussaaffigilerusullugu oqaatigisareeraalu tikeraartoqartussanngorpoq.
Amerikamiut tikeraarnerat “nammineq tikeraarnertut” oqaatigineqarpoq, Mette Frederiksenilli tamanna upperinngilaa, tusagassiuutinut marlunnut marlunngornermi oqarpoq.
Ingammik Trumpip ukiortaamiilli nalunaarutigisartagai eqqarsaatigalugit.
Taamatut tikeraarneq ataqqinninnginnermik ersersitsisoq Kalaallit Nunaanni naalakkersuisut siulittaasorigallagaat Múte B. Egede KNR-imut oqarpoq.
Danskit ministeriunerat isumaqataavoq.
Aammali oqaatigaa USA-mik suleqateqarnissaq qallunaanit kalaallinillu soqutigineqartoq.
USA-p præsidentiata Trumpip tikeraarneq kamassaarinertut isiginagu inussiarnisaarnertut isigaa. Amerikami tusagassiorfinnut qallunaat nalunaaqutaat malillugu ataasinngornerup marlunngornerullu akornanni oqarpoq.
Tikeraarneq kalaallinit qaaqquneqarnermiit pisoq aamma oqarpoq. Suminngaanniit qaaqqusisoqarsiamanersoq erseqqissumik oqaatiginngilaa.
Præsidentip illorsua naapertorlugu tikeraarnermi sumiiffinni oqaluttuarisaanermut tunngasut takornariaqarneqarlutillu, kalaallit kulturikkut kingornussaannik paasisassarsiornermut aamma Kalaallit Nunaanni qimussimik sukkaniunnermik isiginnaariarnermik atorneqassaaq.
