Ministeriuneq naaperiutissaqannginneraasoq: Ukraine EU-mut ilaasortanngornissaanik neqeroorfigineqassaaq
Ungarnip Ukrainep EU-mut ilaasortanngorusunneranut suli aporfiuvoq, qallunaalli siulittaasuuffigisaminni kimigiiserput.
Assi: Ida Marie Odgaard
Ukrainep EU-mut ilaasortanngorsinnaaneranik neqeroorfigineqarsinnaanera ministeriunerup Mette Frederiksenip (S) naaperiutissaasorinngilaa.
Ungarnip ministeriunerata Viktor Orbánip "suleqatigiinnissamik isumaqatigiissusiortoqarsinnaanera" neqeroorutigaa, taassumami tamakkiisumik ilaasortanngortitsineq "sorsunnermik aallartitsisinnaanera" aarleqqutigaa. Ruslandip Ukrainemut saassussinera taassua eqqarsaatigaa. Frederiksenili isumaqataanngilaq.
- Periuseq aalajangiusimajuartariaqarparput, europamiullu kattuffiata alliartortinnissaa periusissap ilagaa. Europa sapinngisamik nukittunerpaaq ineriartortittariaqarparput, tusagassiortunik katersortitsinermi oqarpoq. Danmarkip Europami Politikkikkut suleqatigiiffiup, EPC-p, aaqqissuunneranut atatillugu oqarpoq.
Ukrainemi sorsuttoqaraluartoq "ajunngilluinnartumik iliortoqartoq" ilanngullugu oqaatigaa.
Ukrainep saniatigut Europap kangisissuaniittut nunat arlallit EU-mut ilaasortanngorniarlutik iliuuseqangaatsiarput. Ilaasortanngorsinnaasutullu nalilerneqareerlutik.
Ukraineli Ungarnimit akornusersorneqarpoq. Taamaattoqarmallu Moldova aamma taama inissisimaleqqalluni.
Ukiup affaani matumani Danmark EU-mi siulittaasuuvoq ataatsimiinnerillu arlallit aaqqissuutissallugit.
/ritzau/
