Mittarfik nutaaq akunnittarfinni unnuisunut sunniuteqartoq
Akunnittarfinni unnuinerit pillugit kisitsisit nutaat Kommuneqarfik Sermersuumi unnuinerit amerleriarujussuarsimanerannik, Qeqqatalu Kommuniani unnuinerit ikileriarujussuarsimasut takutippaat.
Illoqarfiit pingaarnersaanni akunnittarfiit Nuummi mittarfittaaq iluaqutigaat.
Assi: Oscar Scott Carl
Kalaallit Nunaanni ukiup sisamaraarterutaasa aappaani akunnittarfimmi, vandrehjemmimi allanilu unnuisarfinni unnuisut amerleriarujussuarsimasut Naatsorsueqqissaartarfiup kisitsisaataasa nutaat takutippaat.
Tassa 2024-mi piffissamut tassunga sanilliullugu unnuisut 14,6 procentimik unnuinerillu 14,8 procentimik amerleriarsimapput.
Unnuisut amerlanersaat kalaallinit unnuiffiusut takussutissami ataaniittumi takuneqarsinnaavoq.
Danmarkimiilli tikeraartut ikilisimapput, nunanillu allaneersut 8,098-iniit 10.854-inut amerlisimallutik.
Unnuisut amerlassusaat.
Najoqqutaq: Naatsorsueqqissaartarfik.
Nuup Mittarfiata 2024-mi ukiakkut nunat tamalaat akornanni timmisartukkut angallannermi atorneqarnerpaalernerata kingorna, nunami sumi unnuisoqartarneranik allannguingaatsiarsimasoq kisitsisit nutaat aamma takutippaat.
Kommuneqarfik Sermersuumi Kitaani unnuisut 90,9 procentimik amerleriarsimapput, Qeqqatalu Kommuniani 56,6 procentimik ikileriarsimallutik.
Unnuisartut amerlassusaat aamma taamaapput. Kommuneqarfik Sermersuumi Kitaani unnuisut 47,2 procentimik amerleriarsimapput, Qeqqatalu Kommuniani 39,4 procentimik ikileriarsimallutik, Naatsorsueqqissaartarfik taama ilisimatitsivoq.
