Punneq laktoosiiagaq Arlameersoq 46,95 koruunit. Immussuaq aserortigaq mozzarella 58,95 koruunit. Puunneq Kærgårdenimeersoq 59,95 koruunilik. Kaffi Peter Larsenimeersoq 105,95 koruunit. Pisiassarpassuillu allat aamma akisunerulertut.
Nioqqutissat assigiinngitsut, ingammik Brugsenimi, akitsorujussuarsimasut atuisut ulluni kingullerni maluginiarpaat. Aamma Pisiffimmi akit nunarsuarmi niuerneq tunngavigalugu nalimmassarneqassasut suliffeqarfiit namminneq nassuiaapput:
Punneq laktoosiiagaq Arlameersoq 46,95 koruunit. Immussuaq aserortigaq mozzarella 58,95 koruunit. Puunneq Kærgårdenimeersoq 59,95 koruunilik. Kaffi Peter Larsenimeersoq 105,95 koruunit. Pisiassarpassuillu allat aamma akisunerulertut.
Nioqqutissat assigiinngitsut, ingammik Brugsenimi, akitsorujussuarsimasut atuisut ulluni kingullerni maluginiarpaat. Aamma Pisiffimmi akit nunarsuarmi niuerneq tunngavigalugu nalimmassarneqassasut suliffeqarfiit namminneq nassuiaapput:
- Assersuutigalugu pilersuisut, RAL pisortalluunniit akitsuutaat pissutigalugit aningaasartuutit allanngoraangata akitsuisoqartarpoq akikinnerulersitsilluniluunniit, attaveqaqatigiinnermut pisortaq Tina Hansen Sermitsiamut oqarpoq.
Innuttaasut akit qaffannerat pakatsissutigigaat Brugsenimiit paasisineqarsinnaavoq. Pisiniarfiilli ingerlaannassappata allatut iliortoqarsinnaanngilaq:
- Piffissami sivisuumi akigitinneqartut sapinngisamik ikinnerpaat allanngortinniarsimavagut, nunarsuarmili niuernermi akit aningaasartuutillu qaffakkiartortut pissutigalugit iliuuseqartariaqarpugut. Nioqqutissat aalajangersimasut pisiarineqartartut akitsorujussuarnerat malugisinnaavarput, assartuinermullu, imermut, kiassarnermut, innaallagissamut benzinamullu aningaasartuutit qaffakkiartornerat pissutigalugu nalimmassaasariaqarluta, Kalaallit Nunaanni Brugsenimi attaveqaqatigiinnermut nittarsaassinermullu pisortaq Benny Otte Sermitsiamut oqarpoq.
Nioqqutissat allat akikillisut
Immussuit, nioqqutissat immuttallit, kaffit, sukkulaat, nerisassallu soorlu qallersuutit, punneq manniillu akitsortariaqarsimallugit Brugseni ilisimatitsivoq.
Pilersuisut nioqqutissanik taakkuninnga akitsuigaatsiartarnerat pissutaasoq tunngavilersuutigineqarpoq.
- Akisuneruleqqissinnaapput.
- Uuliat nerisassiornermut atorneqartartut akii appartippavut, Benny Otte oqarpoq.
Akikilliliinerit sivisunerusut
Pisiffimmi aamma nunarsuarmi niuerneq malinnaaffigineqarluarpoq. Akilli qaffakkiartortillugit neqeroorutit annerusut piffissami sivikinnerusumi neqeroorutigineqartalertut Pisiffik erseqqissaavoq. Taamaalilluni nioqqutissat aalajangersimasut piffissami sivikitsumi akikinnerusinnaapput.
- Unammillersinnaajuarnissarput anguniartuarparput, ukiumullu akikilliliissutigisartakkavut ukiuni arlalinni amerliartorsimapput, 2024-milu millioninik pingasunik kisitsisitalinnik amerlassuseqarlutik. Nunarsuarmi niuerfik maannatut itsillugu 2025-mi neqerooruteqarnerunissarmut naatsorsuutigaarput, Pisiffimmiit Tina Hansen paasissutissiivoq.
