Nukappiaraq maqaasineqartoq ajunngitsoq nassaarineqarpoq
Nukappiaraq 16-inik ukiulik maqaasineqartoq sapaatip unnuaani unnuap qeqqareersimatsiartoq politiit nassaaraat. Nukappiaraq 16-inik ukiulik ajunngitsoq nassaarineqarsimasoq, politiit ilisimatitsipput.
Nukappiaraq 16-inik ukiulik ajunngitsoq Ilulissani politiit nassaaraat.
Assi: Kalaallit Nunaanni Politiit
Nukappiaraq 16-inik ukiulik tammaaneqartoq ajunngitsoq nassaarineqarsimavoq. Nukappiaraq Oqaatsut kangiatungaani nassaarineqarsimasoq, Kalaallit Nunaanni Politiit Sermitsiamut ilisimatitsipput.
- Nukappiaraq nunamiissimavoq, Ilulissallu tungaanut pisulluni aallarsimalluni. Nukappiaraq qulimiguulimmit Oqaatsup kangiatungaani unnuaq nassaarineqarpoq, Ilulissanullu angallanneqarluni, pigaartut pisortaat Annette Ostenfeldt Sermitsiamut ilisimatitsivoq.
Nukappiaraq tammaaneqartoq nal. 00.28 nassaarineqarpoq.
Suli ilisimaneqanngilaq umiatsiaq qanoq isilluni imaani tissukalersimanersoq, tamatumunngalu pituttorluanngitsoorsimanera pissutaasimanersoq.
Nukappiaqqap umiatsiaa, Poca 570, arfininngornermi juunip 15-iani inuttaqarani imaani tissukaartoq ullaap tungaani nassaarineqarpoq. Umiatsiap nassaarineqarnerata kingorna politiit ujaasinertik aallartippaat.
