Savalimmiuni piffissami matumani annertuunik pisoqarpoq. Kalaallit Nunaannut soqutiginarnerpaaq tassaavoq nunap nunanut allanut tunngasunut ministeriata, Høgni Hoydahlip avammut nalunaarutaa.
Taassumami oqarnera naapertorlugu Savalimmiut Kalaallit Nunaanni sinniisoqarfeqalernissaanut piffissanngorpoq. Taassuma pilersaarut Savalimmiuni lagtingimut saqqummiutereerpaa Lagtingellu nunanut allanut ataatsimiititaliamut saqqummiukkusullugu.
Savalimmiuni piffissami matumani annertuunik pisoqarpoq. Kalaallit Nunaannut soqutiginarnerpaaq tassaavoq nunap nunanut allanut tunngasunut ministeriata, Høgni Hoydahlip avammut nalunaarutaa.
Taassumami oqarnera naapertorlugu Savalimmiut Kalaallit Nunaanni sinniisoqarfeqalernissaanut piffissanngorpoq. Taassuma pilersaarut Savalimmiuni lagtingimut saqqummiutereerpaa Lagtingellu nunanut allanut ataatsimiititaliamut saqqummiukkusullugu.
- Savalimmiut Kalaallillu Nunaat sillimaniarneq illersornissarlu pillugit politikiminnik ataatsimut soqutigisaqaqatigiipput. Nunallu taakkua aalisarnikkut ukiuni kingullerni nukittuumik atassuteqarput. Kalaallit Nunaannik suleqateqarnerusariaqarpugut, ministeri pilersaarutini pillugit Savalimmiuni raatiukkut itisiliivoq. Sillimaniarnermut illersornissamullu politikki pisumi allami Savalimmiuni aamma maannarpiaq oqallisaavoq. Oqallinneq nunami tassani partiini pisoqaanersamit, Sambandsflokkurin-iminngaanneerpoq. Taakkua Naalagaaffeqatigiinneq nutarsarlugulu aaqqissuuteqqinneqassasoq pilersaarput.
Sambandsflokkurin-imeersut naapertorlugit periusissaq nutaaq suliarineqassaaq. Tassani naalagaaffeqatigiit nunat pingasut isumaqatigiinnerussapput isumaqatigiinngissuteqaraangamillu sakkortuuliortarnerit unitsinneqarlutik, pilersaarummi taama allaqqasoqarpoq.
Aqutseriaaseq nutaaq
Aaqqissuusseqqikkusulluni pilersaarutini annertunerpaaq tassaavoq Savalimmiut Kalaallit Nunaata 2009-mit aqqutaata assinganik ingerlaffeqarusunnerat.
Savalimmiut nunarsuarmi politikikkut annertusiartuinnartumik peqataalernikuupput.
Sambandsflokkurin
– Namminersornerulernermut inatsit nutaaq – namminersornermut inatsit atorfissaqartipparput. Taassuma Savalimmiut naalagaaffimmi namminersornera sinaakkusissavaa. Savalimmiut ataatsimoornermit avissaarusuppat tamanna Savalimmiormiut aalajangissagaat inatsimmi allaqqassaaq, Sambandsflokkurin pilersaarummini allappoq. Taama iliornikkut Kalaallit Nunaanni namminersorneq pillugu inatsimmi §-21 assigineqalissaaq, taanna ima allaqqavoq:
- Kalaallit Nunaata namminiilivinnissaa inuiannit kalaallinit aalajangerneqassaaq. Savalimmiormiut namminersornerunermut inatsisaat maanna atuuttoq 1948-meersuuvoq. Sambandsflokkurin Savalimmiuni qinersinermi kingullermi qinersisut 20 procentiisa qinerpaat. Taanna partiiuvoq Danmarkimik tunngavimmigut peqateqarusuttuarsimasoq. Pilersaarut tunngaviusumik isummamut tulluarpoq. Aaqqissuusseqqinnissamulli pilersaarut Kalaallit Nunaanni Savalimmiunilu nunanut allanut tunngasunut politikki pillugu oqartussaassuseqarnerorusunnermik toqqaannartumik oqariartuuteqarpoq.
– Savalimmiut nunarsuarmi politikkikkut annertusiartuinnartumik peqataalernikuuvoq. Tamanna nunanut allanut tunngasunut, sillimaniarnermut illersornissamullu tunngasunut suli annerusumik tigusinissatsinnik pisussaaffiliivoq. Tassuuna sinaakkusiissaagut namminersornermut inatsimmi nutaami allaqqasussamik, Sambandsflokkurin pilersaarummini allappoq. Pilersaarummi nunanut allanut tunngasunut politikki marlunngorlugu sukarsuartut avinneqarusuppoq. Nunanut allanut tunngasunut politikki Savalimmiormiut tungaaniittoq Savalimmiormiut akisussaaffigissavaat sanarfillugulu, soorlu nunarsuarmioqatigiinni kattuffissuarnut ilaasortaanernut, aalisarneq pillugu isumaqatigiissutinut niueqatigiinnermilu isumaqatigiissutinut tunngasut. – illersornissaq pillugu politikikkut suliniutini aalajangiisinnaanermut piginnaaneqartariaqarpugut, uagut nalitsini, partii allappoq. Sukarsuit aappaat taassuma akerleraa. » Nunanut allanut politikki ataatsimoorussaq«, pissutigalugu Savalimmiut nunarsuarmi Danmarkimik suleqateqartilluni sunniuteqarnerusartoq, siunnersuummi allaqqavoq. Siunnersuut, Folketingimi partiinut, danskit Torshavnimi naalagaaffiup sinniisoqarfianit, ilisimatitsissutitut nassiunneqarpoq.
Amigartoorneq
Sambandsflokkurin-ip Folketingimi inissat maanna marluusut paariinnarnissaat kissaatigaa, siunnersuummilu allappoq Savalimmiut Danmarkillu akornanni isumalioqatigiissitaliortoqassasoq tassanilu politikikkut kissaatit qanoq piviusunngortinneqassanersut nassuiarneqassasut. - Isumalioqatigiissitap inerniliinerata suliap qanoq ingerlanissaa qanorlu piffissalersuisoqassanersoq tunngavissaqalersissavaa, partii allappoq. Partiip Danmarkip ataatsimoortumik tapiissutai (600 mio. kr.) taamaaginnassasut naqissuserpaa, taamaattoq Savalimmiut oqartussaaffinnut nammineq akisussaaffigiligassaminut nammineq aningaasaliissasoq. Savalimmiuni nunap karsia piffissami matumanerpiaq tatisimaneqarpoq. Savalimmiuni nunap karsiata siorna naatsorsuutaani 215 millionit koruuninik amigartoortoqarpoq. 141 millionit koruuninik sinneqartoornissaq missingersuusiornermi siunniunneqartoq allarluinnarnik kisitsisitaqaraluarpoq. Aningaasaqarnerup sukannernerusup Savalimmiuni oqallittoqalersippaa. Ilaatigut utoqqalinersiaqalerluni soraarninngornissamut ukiut atugarissaarnermilu sipaarsinnaaneq eqqartorneqalerput. Tassani ilaatigut pineqarput peqqissuseq, utoqqarnik paaqqinninneq isumaginninnermilu suliat.
