Siullermik oqaatigissavara præsident Trumpip
ivertinneqarnermini oqalugiarnera tamaat tusarnaarnerani naakka sukassimatiinnavikkakkit.
Oqaaseqatigiinnik
aallartitsineri tamaasa naakka sukakkaluttuinnartarlutik.
Siullermik oqaatigissavara præsident Trumpip
ivertinneqarnermini oqalugiarnera tamaat tusarnaarnerani naakka sukassimatiinnavikkakkit.
Oqaaseqatigiinnik
aallartitsineri tamaasa naakka sukakkaluttuinnartarlutik.
Oqariartuutaa
erseqqilluinnarpoq. Præsidentitut qinigaaqqittup isaanit isigalugu USA kisimi
eqqarsaatigineqarpoq. Nunat allat pisariaqartitaat, kissaataat
isummerneralluunniit isiginianngilluinnarpai.
Tassa Trumpip qinigaaqqinnissaata tungaanut USA
ilisimasimasatsitut innavianngilaq.
Politikikkut
kingunerisassai nunarsuup annersaani annertoorujussuussapput. Nunarsuarmi nunat
amerlanersaasa 2025-p aallartinnerani pilersaarutigisatik tamaasa allanngortiterujussuartariaqarpaat. Danmarki
qallunaallu aningaasanut inatsisaat eqqaaginnarsinnaavavut. Sakkutooqarnermut
immikkut maanna aningaasaliisoqassaaq, tamannalu Nunatsinnut iluaqutaassalluni.
EU, USA-mut niuernermini iluaqutigisami ilaannik annaasaqalerpoq,
niueqatissaminillu nutaanik nassaarniartariaqalerluni. EU suleqatigiiffiuvoq
nukittuumik piginnaaneqartoq, unammilligassamullu tamatumunnga
aaqqiissutissanik nassaarniassaqqaarluni, tamannali sivisuumik ilungersorlunilu
suliarineqassaaq.
NATO unammilligassaqarpoq. NATO-mi nuna
pissaaneqarnerpaaq, USA, nunanut peqataasunut allanut tamanut amerlanerusunik
akiliisitserusuppoq, aammali assigiinngitsunik takussutissaqarpugut.
NATO taamaalilluni maanna ukiunilu tulliuttuni sisamani qanoq iliussava?
- Pissangasorujussuuvunga.
Nunarput
piffissami aggersumi qanoq iliussava? Tassami Inatsisartunut
qinersisoqangajalerpoq. Soorunami namminiilivinnissaq oqaluuserineqassaaq,
taamaattorli kikkunnit tamanit paasineqarnerluni qineqqusaarutigineqartussat
USA-mit atornerlunneqarsinnaasut? Isumaqarpunga partiit tamarmik
qineqqusaartinnatik oqaasissatik eqqarsaatigeqqissaartariaqaraat. Nunarput
pillugu oqaluuserinninnermit erseqqippoq namminiilivinnissaq
kiffaanngissuseqalernermik isumaqarnavianngitsoq aamma Nunatta
sakkutuulersorfiunnginnissaanik takorluuineq isumaqarnavianngitsoq.
Sakkutuulersunnginnissamut
atatillugu tamanna nunat angisuut sakkutooqarnikkullu pissaaneqarluartut
aalajangiiffigissavaat. Nunarput tamanna pillugu isumaqarsinnaallunilu
takorluuisinnaagaluarpoq, kisiannili Nunarput politikiminik
piviusunngortitsinissamut politikikkut sakkutooqarnikkullu nukittussuseqanngilaq.
Taavali aqqutissaqarlunilu aaqqiissutissaqarpoq, politikikkut
isumaqatigiissuteqartoqarsinnaammat, Nunarput kiffaanngissuseqarnerulersillugu
akisussaaffeqarnerulersillugulu, namminiilivinnissaq tamakkiisumik
anguneqanngikkaluartoq. Isumaqarpunga aqqut taanna nassaarineqartariaqartoq
ingerlavigineqarlunilu, ingerlariaqqinnissamik kissaatigisarput ingerlaannassasoq, nunanit allanit Nunarput
paggatassatut isigineqalersinngikkaluarlugu.
Trumpip
tunngavilersuutaa alla aningaasaqarnermut tunngassuteqarpoq, tassanilu
Amerikamiut uuliasiornerat gas-imillu qalluinerat pingaaruteqarput. Tamatumani
Nunatta mingutsitsinngitsunik
atuinerulernissaa siuarsarneqassaaq, taamaalilluni nunanit allanit uuliamik
kuseriarnermilluunniit pisinissaq pisariaqartikkunnaarlugu. Taamaalilluta
sunnertiavallaarunnaarlutalu aningaasaqarnikkut nukittunerulersinnaavugut.
Mingutsitsinngitsumik atuinerulernissaq annertuumik ingerlanneqarpoq, kisianni
sukkanerusumik ingerlatsisoqartariaqarpoq, ullumikkuminngarnit angusat
sukkanerusumik piviusunngortinneqartariaqarlutik.
Nunarsuaq
tamakkerluni taama inissisimavoq. Pilersaarutitut aalajangersakkat
pingaarnersiorneqartariaqarput. Ukiut tulliuttut sisamat sakkortussapput,
nunarsuarmiullu tamatumunnga taarsiullugu pilersaarutaat allatut ittut suuppat?
