KL

DK

Nuuk: Mittarfiup eqqaani sanaartorfissamik qinnuteqartoqarsinnaalerpoq

Nuummi Atlantikoq qulaallugu mittarfittaarnerup kingorna mittarfiup eqqaani sanaartorfissamik pisisoqarsinnaalerpoq, illoqarfiit pingaarnersaata kommuniata nalunaarutaani tamanut saqqummiunneqaqqammersumi tamanna atuarneqarsinnaavoq.

Nuuk Lufthavn
Nuummi mittarfiup illorsuartaavata tunuatungaa mittarfinnut attuumassuteqartunut suliffeqarfinnut maanna sanaartorfissanngortinneqarpoq.
Tusagassiortoq
Saqqummersinneqarpoq

Sanaartorfiit tamarmik mittarfimmut attuumassuteqartunik inuussutissarsiutinut, soorlu quersuarnut, kiffartuussivinnut, allaffinnut, akunnittarfinnut neriniartarfinnullu atugassanngortinneqarput, Kommuneqarfik Sermersooq ilisimatitsivoq.

Nunaminertat assigiinngitsunik 2.000 m2-imit 3.800 m2-ip akornanni annertussuseqarput, pilersaarummilu sanaartukkap portussusissaanut portunerpaaffissanut najoqqutassat, silaannakkut angallassinermi aporfeqanngitsumik mittarfiup piumasaqataanut ataqqinnittussaasut, ilisimatitsissutaavoq. 

Illoqarfiit pingaarnersaata kommuniata qinnuteqaatit decembarip 20-at tikillugu tiguneqarsinnaanissaat aalajangersimavaa, tamatumalu kingorna sanaartorfissamut qinnuteqartut arlaliussappata makitsinikkut inissiisoqassaaq.

Qinnuteqaateqartut assigiinngitsunik piumasaqaateqarfigineqarput, soorlu piffissamik atuinermut aningaasaqarnermullu uppernarsaatinik.

Sanaartornermut neqerooruteqarsinnaanermut piumasaqaaterpassuit una aqqutigalugu takukkit

kommuneqarfik sermersooq inuiaqatigiit hovedstadskommunen byggefelter ansøgningsfrist samfund ny lufthavn i nuuk lufthavnsrelaterede erhverv

ATORFIIT Se alle jobs

Powered by Labrador CMS