Nunani avannarlerni ingerlatsisut Nordic Circular Summit-imi
katersuunnissaat Kalaallit Nunaat pillugu aamma saqqummersitsiviussaaq.
Tassani
suliffeqarfiit, aallarnisaasut ilisimatusartullu mingutsitsinnginnerusumik
siuarsaaneq najukkami pisuussutiniit ilisimasatoqqaniillu aallartissinnaanersoq
takutissavaat.
Nunani avannarlerni ingerlatsisut Nordic Circular Summit-imi
katersuunnissaat Kalaallit Nunaat pillugu aamma saqqummersitsiviussaaq.
Tassani
suliffeqarfiit, aallarnisaasut ilisimatusartullu mingutsitsinnginnerusumik
siuarsaaneq najukkami pisuussutiniit ilisimasatoqqaniillu aallartissinnaanersoq
takutissavaat.
- Kulturerput aqqutigalugu kaaviiaartitsineq
ilisimajuarnikuuarput. Maanna ilisimasat taakku inuussutissarsiornerup
ineriartortinnerani nutaajunerusumi atorneqalissapput, Gorm Vold, Nalik
Venturesimi siunnersortaaneq, oqarpoq.
Ataatsimeersuarneq suleqatissanik nutaanik pilersitsillunilu
Kalaallit Nunaata nunani avannarlerni mingutsitsinnginnerunissamut
ikaarsaarnerani inissisimaffianik paasinninnerunermik pilersitsissasoq taassuma
neriuutigaa.
Kalaallit Nunaanni misilittakkat pisuussutitut
Gorm Vold naapertorlugu Kalaallit Nunaat pinngortitap
pissarititaanik atueriaatsimigut immikkut ittumik nukittuvoq.
Kalaallit Nunaata
mingutsitsinnginnerunermi
nukittuffii
· Pinngortitap pissarititaanik qangaaniilli
atorluaaneq
· Najukkami naleqartitat piujuartitsillunilu
tunisassiornerup ataqatigiilluarneri
· Aalisarnermi inuussutissiornermilu
naleqalersitsinerunissamut periarfissat
Suliffeqarfinnik
nunani avannarlerniittunik suleqateqarneruleriartorneq
- Inuiaqatigiit kalaallit pinngortitaq kinguaariippassuarni
oqimaaqatigiissumik inuuffigisimavaat, tassani suut tamarmik atorneqarlutillu
igitsisoqarneq ajorpoq. Misilittakkat taakku nunat avannarliit silap pissusiata
ilungersunartorsiorfiunerani nalilimmik pisuussutinngorsinnaapput, taanna
oqarpoq.
Kalaallit Nunaat kaaviiaartumik aningaasaqarnerup suuneranik
siammasinnerusumik paasinninnermi peqataasinnaasoq taanna isumaqarpoq:
- Pinngortitamik atueriaaserput aaqqiissutissanik
nunarsuatsinni ujartorneqartunik peqareersoq takornariat aningaasaliisullu
takusinnaassavaat. Kalaallit Nunaat oqaatsip kaaviiaartitsinerup
siammarsarnissaanut nammineq ilisimariikkaminik tunniussaqarsinnaavoq.
Soqutigineqarnerulersoq – assersuutilli
pisariaqartinneqartut
Mingutsitsinnginnerusumik aaqqiissuteqarnissaq Kalaallit
Nunaanni suliffeqarfinni aallarnisaasunilu soqutigineqarnerulerpoq, Gorm Vold
oqaluttuarpoq. Arlallit atoqqiinermik, najukkami tunisassiornermik
eqqagakinnerunermillu suliaqareerput – kaaviiaartitsillunili aningaasaqarnermik
taaneq ajorpaat.
- Assersuutissatsialaat nunani avannarlerni sumiiffinnit
allaneersut pisariaqartinneqarput. Suliffeqarfiit aningaasaqarnikkut
iluaqutissat takugaangatigit erngerluni soqutiginnittoqalersarpoq, taanna
oqarpoq.
Ataavartumik ineriartortinneqalissappat ilisimasat
sakkussallu aalajangersimasut pisariaqartinneqarput.
- Aallarnisaasut suliffeqarfiillu kaaviiaartitsinermik
eqqarsariaaseqarnerup qanoq piviusunngortinneqarsinnaanera paasiniarlugu
pikkorissarsinnaasariaqarlutillu, isummersoqatigiissinnaasariaqarlutillu
inerisaasinnaasariaqarput, Gorm Vold oqarpoq nangillunilu:
- Inuussutissarsiuteqartut sakkussaqalerunik tunisassianik
kiffartuussinernillu nutaanik nammineq pisuussutitsinneersunik
pisariaqartitatsinneersunillu nutaanik pilersitsisinnaapput.
Aporfiit – aammali periarfissarpassuit
Kalaallit Nunaanni unammillernartut ilisimaneqarluartut – suut
tamarmik ungasinneri, assartuinermut aningaasartuutit qaffasissut attaveqaasersuutillu
killillit – ineriartornermik unikaallatsitsipput, aammali nutaaliornissamik
periarfissiipput.
Ingammik inuussutissiornermi aalisarnermilu
periarfissarpassuaqartoq Gorm Voldip takusinnaavaa:
- Tunisassiornitsinni tunisassiassat pinngortitameersut
suliffeqarfissuarnilu pilersitaanngitsut tunngavigereerpagut. Tunisassiagut
naleqalersinnerusinnaagutsigit tamanna avatangiisinut aningaasaqarnermullu
tunngatillugu iluaqutaasinnaavoq. Niuerfiit nukittuut nioqqutissat
tamakkorpiaat piumavaat.
