Marlunngormat Sermersuumi Eqqartuussiviup angut 34-nik ukiulik, pinerluutinut 14-nut assigiinngitsunut ukiut pingasunit arfineq marluk tikillugit matuma siorna pisunut eqqartuuppaa.
Ilaatigut persuttaanernut, tillinniarnernut, peqquserlunnernut, arnamik biilerluni apuisimasutut hashimillu 527 gramimik eqqussinermut pisuutinneqarluni eqqartuunneqarpoq.
Marlunngormat Sermersuumi Eqqartuussiviup angut 34-nik ukiulik, pinerluutinut 14-nut assigiinngitsunut ukiut pingasunit arfineq marluk tikillugit matuma siorna pisunut eqqartuuppaa.
Ilaatigut persuttaanernut, tillinniarnernut, peqquserlunnernut, arnamik biilerluni apuisimasutut hashimillu 527 gramimik eqqussinermut pisuutinneqarluni eqqartuunneqarpoq.
Angut aamma Nuummi pisuinnaat ikaartarfianni aalakoorluni biilerluni arnamik apuisimasutut eqqartuunneqarpoq. Apuinermi kingorna ingerlaqqiinnarpoq. Arnaq aporneqartoq marlunngornermi eqqartuussivimmi uppernarsaavoq.
Unnerluussissutit allat kujataani, 34-nik ukiullip illoqarfigisaani pisimapput. Peqquserlunneq Facebookikkut pivoq, tassani angut aallaasinik tuttullu neqaanik tuniniaasimavoq, akiliisoqareerneranili tuniniakkani tunniussimanagit. Kingorna Danmarkimut nuuppoq.
Pinerluuteqarsimasunut inissiisarfimmiitinneqassanngitsoq
34-nik ukiullip unnerluussissutigineqartut amerlanersaat nassuerutigai. Kingornalu unnerluussissutinit 15-nit 14-ni pisuutinneqarpoq. Pisumi ataatsimi Qaqortumi pinerluuteqarsimasunut inissiisarfimmi persuttaasimasutut pinngitsuutinneqarpoq.
Eqqartuussissutilli inernera unnerluussisussaatitaasup kissaataa malillugu pivoq. Angut pinerluuteqaqqissaguni qaammatini arfinilinni pinerluuteqarsimasunut inissiisarfimiittussanngortinneqarpoq, saniatigullu akiligassinneqarluni kiisalu biilersinnaanermut allagartaajagaalluni.
Tassa 34-nik ukiuni marlunni pinerloqqinngikkuni pineqaatissinneqarsimasunut inissiisarfimmiissanngilaq.
Suliaq sivisuumik ingerlanneqartoq
Pinerluutaasut taamak amerlatigitillugit sooq unnerluussusisussaatitaasoq taamaallaat pinerloqqinnermi aatsaat pinerluuteqarsimasunut inissiisarfimmiittussanngortitsiumanera, Sermitsiap apeqqutigaa.
– Tamanna ingammik suliamik suliarinninnerup sivisusimaneranik patsiseqarpoq. Tamanna pingaarnertut patsisaavoq. 2017-mit 2022-mut pisut matumani pineqarput, politiassistent Tom Olsen, eqqartuussivimmi suliamik ingerlatsisoq oqarpoq.
Allatut oqaatigalugu 34-nik ukiullip suliami imminerminut tunngasumi sivisuumik utaqqineranut tamanna iluaqutissanngorpoq.
– Tamatuma saniatigut pinerluutigineqartut annerpaamik akiliisitsinermik, taamaalillunilu parnaarussaasussaannginnermik kinguneqarsinnaasut pineqarput, Tom Olsen ilassusiivoq.
Illersuisup sakkukinnerusumik pineqaatissiinissaq piumasaraa. 34-nilli ukiullip eqqartuussut akueraa.
