Nunatta Eqqartuussisuuneqarfiata angutip inuusuttup pinngitsaaliisimaneranut eqqartuussut atuutsiinnaraa

Angut 20-nik ukiulik niviarsiaqqamik ukiukitsumik kinguaassiuutitigut pinngitsaaliisimasutut Nunaatta Eqqartuussisuuneqarfiani ukiuni pingasuni pineqaatissinneqarsimasunut inissiisarfimmiittussanngortinnissaa aalajangiusimaneqarpoq.

Kinguaassiuutitigut pinngitsaaliisoqarsimaneranik eqqartuussut suliareqqitassanngortitaq, Nunatta Eqqartuussisuuneqarfiani maajip arfineq-aappaanni arfineq-pingajuannilu suliarineqarpoq.

Assi toqqorsivimmit: Morten Okkels

Morten Okkels Morten Okkels Tusagassiortoq

Saqqummersinneqarpoq 15. Maaji 2025 - 15:31

Annonse

Angummut pinerluuteqarsimasumut 20-nik ukiulimmut ukiuni pingasuni pineqaatissinneqarsimasunut inissiisarfimmiittussanngortinneqarnera Nunatta Eqqartuussisuuneqarfiani attatiinnarneqarpoq.

Niviarsiaqqamik 14-inik ukiulimmik kinguaassiutitigut pinngitsaaleeriarsimasutut pisuutinneqarpoq.

Angutip 20-nik ukiullip niviarsiaraq akuersisimasoq atoqateqarnissaminullu ukiui naammattut isumaqarsimalluni eqqartuussivimmi oqaluttuaraa.

Eqqartuussivimmi angut inuusuttoq unnerluutiginnissummut pisuusutut nalilerneqarpoq, ilaatigut niviarsiap uppernarsaanerata tutsuiginissusaa tunngavigalugu.

Eqqartuussisoqarfik Sermersuumi unnerluussummut tassunga 2024-mi decembarimi pineqaatissinneqarnikuuvoq. 2024-mi juulip qaammataani tigummigallarneqalerpoq, eqqartuunneqarnissamilu tungaanut tigummigallagaalluni.