Piviusulersaarut oqallisaaqisoq kalaallisut allagartalersugaq Katuap takutilerpaa
Piviusulersaarut oqallisaaqisoq, "Orsugiak - Grønlands Hvide Guld" DR-miit peerneqareeraluartoq, kalaallisut allagartalersuaq Katuap takutilerpaa. Tamanna Katuami pisortaanerup, Ivaaq Kriegelip Sermitsiamut uppernarsarpaa.
Assiliisaq dokumentarfilmi Orsugiak Kalaallit Nunaata qaqortumik kuultiannit tigusaavoq
Piviusulersaarutip takuteqqinneqarnissanut akuersissutit tamarmik inissereerput.
Katuap pisortaanera, Ivaaq Kriegelip nassuiaataa naapertorlugu piviusulersaarutip kalaallisut allagartalersukkat takutinnissaanut akuersissutit tamarmik inissereerput. Kalaallisuinnaq oqaasillit periarfissikkumallugit taamaaliorniarlutik, pisortaaneq nassuiaavoq.
Piviusulersaarut "Grønlands Hvide Guld" DR-ip nittartakkaminiit pingasunngornermi februaarip 19-anni peerpaa, aaqqissuisullu pisortaat soraarsillugu.
Taamaakkaluartoq Katuap takuteqqinniarpaa.
- Tassa aallakkaatinnissaanut piginnittuaniik akuersissutit tamaasa pingaangut. Una erseqqissaatigisinnaavara kalaallisut allanngartaqassammat, taamaasilluni kalaallisut oqaasillit periarfissinnianneqarput oqallisaaqisumut akuutinneqarnissaat, Ivaaq Kriegel Sermitsiamut oqarpoq.
Kalaallisut allagartalersugaq kingusinaartoq
Piviusulersaarut takutiteqqaarneqarmat kalaallisut allagartalersugaq suli piareerneqanngilaq, tassani kalaallisuinnaq oqaaseqartut paasisaqarluarnissaminnut periarfissaqanngillat.
- Kalaallisut oqaasillit kalaallisuinnaq paasinnittut periarfissinnissaat. Eqqartungaaqisumut minitaannginnerat paasisiariaqaramikku, Ivaaq Kriegel nassuiaavoq.
Piviusulersaarusiap saqqummersinneqarnerata kingorna oqallisaangaatsiarpoq. Kalaallisullu allagartalersugaq takutinneqarpat neriuutigineqarpoq nunatsinni innuttaasuniit siammasinnerusumik paasineqassasoq.
- Neriulluta tingulluarneqassasoq, pisortaaneq naggasiilluni oqarpoq.
Piviusulersaarut marlunngornermi februaarip ulluisa 25-anni unnukkut nalunaaqutaq 18.00 Katuap biografertarfiani aallakaatinneqassaaq.
